熱爆娛樂: 【狗仔出更】徐子珊苦戰自助收銀機超市職員忍唔住出手幫 _

2018年7月18日星期三

【狗仔出更】徐子珊苦戰自助收銀機超市職員忍唔住出手幫 __,子珊,徐子珊,

徐子珊從前喺大台受力捧，離巢後，修讀過珠寶設計，近年變得低調，佢最近仲修讀心理學碩士課程，過返半工讀學生生活，衣着打扮都變得樸素。日前子珊獨自現身，一身簡約look，上衣配爛牛同波鞋，佢去咗數碼港一間超市入貨，子珊推住架購物車，揀咗零食同日常用品，跟住喺自助收銀機度俾錢。

平時出入活動，有助手、經理人包圍住嘅子珊，好似用唔慣自助收銀機，佢成功逐一將物品「嘟」畀錢，但去到最後一關結賬就搞唔掂，見佢搞咗有成10分鐘，身邊嘅客人輪流轉咗幾轉，最後需要超巿職員幫幫手，當時子珊顯得有啲尷尬，喺職員協助下，佢搞咗5分鐘就俾到錢。子珊好環保，將買嘅零食同日用品放環保袋拎走，急步離開，原來佢泊咗座駕喺門口，正正喺禁區位，唔怪得佢俾錢時好心急，好彩嘅係冇被抄牌。

子珊近年減產，樂於半工讀享受過校園生活，不過佢都有收入㗎，佢15年修讀咗珠寶設計課程，跟住開創咗自己嘅珠寶生意，仲推出自家設計珠寶系列，網上出售，子珊少咗幕前演出，打扮好casual，其實望落去反而仲青春咗。

精選娛聞，喺晒《娛果》

http://fb.com/appledailyent

攝影：孔志豪、吳耀輝	徐子珊身邊冇助手，買嘢俾錢都係一個人搞晒。	 不過佢唔係好識點用，搞咗成10分鐘都未俾到錢。
 身邊嘅客人走晒…	 最終有職員幫手。	 終於畀晒錢自己pack晒入環保袋。
 座駕泊咗喺超巿門口禁區位，唔怪之得佢咁心急。