陳豪唔慣老婆、仔女唔喺身邊。
藝人陳豪以一身賽車手look出席健康品牌活動，即席示範玩模擬賽車遊戲。提到太太陳茵媺帶三位小朋友到加拿大探親，他笑言可以「放暑假」：「佢哋走咗後，我都唔知點，有啲空虛！多咗時間，睇電視都睇唔到咁耐」又指去年太太亦試過一個人湊三個子女到加拿大，不過今年囡囡開始長大，而且又不喜歡睇電視，因此怕他們在飛機上走來走去。
談到網民大讚陳茵媺是「Super Mom」，他直言生三個小朋友已經不容易，而且還要親手湊。問到如果由他自己湊三個子女，可能同時應付到？他說：「I'm a super dad！做好準備就OK，no problem！媽咪就可能會規範啲，我就會用糖同朱古力去賄賂佢哋，不過最後可能畀媽咪鬧。」
談到以前在澳洲生活，他表示有時揸車要揸足一日，所以對於駕車十分熟練。問到試過揸車有幾快？他笑指：「我揸啲渣嘅車，但就有速度。」談到他今日以賽車手造型現身，問到有否憶起以前在電影《烈火戰車2：極速傳說》的造型？他笑謂當時留金毛短髮、玩街車，又透露從未想過做賽車手，自從有了小朋友後，駕駛時會更注意安全。
來源 source: http://hk.on.cc
|
鍾意就快D Share啦！
|
|
|
