掃呢頁CODE去手機

2018年7月18日 星期三

【珍惜眼前人】吳浩康「哥哥」中風突離世 舊愛鍾舒漫留言安慰 __,浩康,鍾舒漫,吳浩康,

吳浩康因「哥哥」離世,十分傷心。(IG圖片) 
35歲嘅吳浩康(Deep)入行15年,因為唱功好,加上出道時被指聲線似陳奕迅,短短時間已冒起,惜頻有負面新聞加上緋聞多多,事業直插谷底,幸唱片公司未有 ...


35歲嘅吳浩康(Deep)入行15年,因為唱功好,加上出道時被指聲線似陳奕迅,短短時間已冒起,惜頻有負面新聞加上緋聞多多,事業直插谷底,幸唱片公司未有放棄他,去年還給予他踏上舞台,舉行個人演唱會機會,令他有重新出發的機會,Deep亦不時在社交網留言,表示要向紅館出發,正能量滿滿。

然而,Deep昨晚忽然在ig留下「當我擁有好多機會嘅時候,偏偏失去咗你!」又加tag寫「#哥哥 #再見了 #沙煲兄弟#我愛你 #忙碌令我忘卻痛楚」其舊愛鍾舒漫亦有留言回應他:「佢要你快樂啊!!!」

《蘋果》今日聯絡Deep,問他發生什麼事?Deep就透露哥哥突然中風,10日前離世!Deep補充謂:「其實佢係我表哥,佢媽媽係我爸爸個妹,但我哋兩家人溝通得好緊密,尤其我同哥哥,基本上同我親阿哥係冇分別,呢個世界上,除咗我阿爸,最重要男人就係呢個哥哥,佢好錫我,我同佢感情好好。」

Deep續說:「好突然,佢大我兩、三年,佢81年,走得好突然,佢喺國內做緊培訓,昏迷就冇醒過,10日前走咗。佢係一個盡責好爸爸,有5個小朋友,好彩佢一向係一個有準備嘅人,有買保險,所以屋企經濟唔係問題,但小朋友成長好重要,我希望可以為小朋友帶嚟一啲色彩,因為小朋友有時需要嘅唔只係錢,會睇下有乜嘢係哥哥走咗,要完成埋佢,呢part係依家屋企最重要嘅嘢!」」

除咗舊愛鍾舒漫留言安慰,Deep唔少朋友都有留言為佢打氣,不過就未見早前宣佈與他分手、復合又分手的另一舊愛李昭南,相反李昭南就更新其ig,貼出一張戴上拳套的相。



吳浩康因「哥哥」離世,十分傷心。(IG圖片)  鍾舒漫有留言為吳浩康打氣。(IG圖片) 鍾舒漫有留言為吳浩康打氣。(IG圖片)
去年吳浩康圓夢,舉行個人演唱會。(資料圖片)

去年吳浩康圓夢,舉行個人演唱會。(資料圖片)

鍾意就快D Share啦!