現年34歲的鄧麗欣（Stephy）與拍拖十載的方力申分手兩年多，期間與同性密友傳過緋聞，又有指復合有望。昨日Stephy終在公開活動親認有愛情滋潤，與前台灣男團Lollipop棒棒堂成員邱勝翊（王子）發展相差六年的姊弟戀，打破「Dry缽」，事業愛情兩得意！
Stephy傳於4月與王子同遊蘇梅島，不過當時雙方都矢口否認，至5月王子來港開騷，她不避嫌與好友現身力挺，相隔兩地的二人亦經常隔空傳情，有指母親節齊齊慶祝的男伴便是王子！昨日她與游學修到九龍公園為活動擔任大使，提到早前獲邀出席《第16屆紐約亞洲電影節》並獲得「亞洲新秀獎」，成為首位獲得該獎項的香港藝人，Stephy表示開心及緊張，講到她與王子傳拍拖，要恭賀事業愛情兩得意時，她大方認愛說：「恭喜我攞獎先（係咪同王子拍拖？）感情事我想低調先，根據我過往經驗，感情係兩個人嘅事，因為身為藝人變得好透明，但低調係想保護戀情。」
飯局撻着異地戀
問是否從4月開始交往？Stephy說：「畀啲空間我哋（點樣遇上？）其實我哋識咗好耐，大家曾經係同公司，但當時唔熟。（有咩契機令你哋熟落？）都係朋友約食飯見面。（姊弟戀？）我又冇乜點睇，依家已經2018年，大家接受能力好高。」
多次被發現飛台灣與王子見面的Stephy，提到要做「空中飛人」，她說：「我都飛好多呀，剛剛喺紐約飛返嚟。（以視像見面？）畀啲空間我哋（好Sweet？）今日落雨，好Wet！（王子恭喜你拎獎？）有嘅！（嚟香港慶祝？）冇呀，因為我都忙。」記者再恭喜Stephy有拖拍，她即甜笑說：「多謝，搞到我好熱呀！」
談及導演杜汶澤笑問她「拎夠獎未」，Stephy說：「希望未啦，佢都好戥我開心，已經約咗食飯慶祝，唔知佢會唔會屈我請食飯，佢仲叫我小心個獎牌，因為佢整爛過一次！」提到以英語致詞獲網民讚有進步，她表示準備了一段時間：「係尊重場合，始終現場觀眾都係外國人，出發前已經準備」而活動結束後，她上載照片到社交網並寫下感性留言，其中一句更似與認愛有關：「我們付出的愛，必定能讓生命變得像蝴蝶一樣美麗。」男友王子亦有點讚留言，不少得知其新戀情的粉絲都送上祝福。
籲粉絲愛屋及烏
女主角在港認愛後，王子昨日亦透過經理人回覆：「謝謝大家關心！也請大家給我們一些空間和時間相處。」又在社交網上載左、右邊面的靚仔相，留言：「OK，自拍來了！選1 or 2」，並標籤了「#左右為難#愛屋及烏#將心比心」，有網民猜測他擔心公開戀情會惹來粉絲呷醋，令女友成圍插目標，故以愛的「暗喻」提大家要「愛屋及烏」，但似乎他杞人憂天，皆因大部分留言都是送祝福及恭賀，更叮囑他要好好珍惜Stephy。
更多新聞，瀏覽東方日報網頁：
http://orientaldaily.on.cc/
|
鍾意就快D Share啦！
|
|
|
