已故美國歌神米高積遜（Michael Jackson，MJ），雖然死咗已經9年，不過好多人仲希望佢翻生，有啲人更加相信佢仲未死，呢個不可能嘅願望，可能有機會發生因為佢好快畀個女激到喺棺材彈出嚟！
成日晒Body
近日有爆料指，MJ嘅20歲愛女巴莉絲（Paris），獲成人雜誌《花花公子》（Playboy）睇中，以約141萬港元利誘佢到南非拍攝封面及內頁專題。《花花公子》出咁多錢，當然係要巴莉絲剝光豬拍全裸寫真。雖然仍未落實合作，但據悉近日勇闖模界嘅佢有啲心郁郁，事關巴莉絲不時於社交網Instagram解放「波地」，騷胸露腰甚至半裸示人，全裸拍寫真絕對Easy Job！
雖然巴莉絲唔怕人前露肉，但網民唔多Buy，唔少網民狂鬧她冇腦：「點解要搞到自己咁cheap，冇人想睇你剝光豬呀！」仲話「你個樣唔差，又唔係冇錢冇名氣，點解要剝清光作賤自己！」又鬧巴莉絲其實應該去大學讀書，增值自己，或者去治理吓自己嘅心理，有粉絲仲激到扯晒火，代MJ鬧巴莉絲：「你老竇MJ知道個女咁蠢，一定激到喺墳墓彈出嚟！」
家人出手阻止
其實，巴莉絲啲家人早已對20歲女的她愈穿愈少布有微言，早前更不滿她為品牌拍性感廣告，有傳祖母嘉芙蓮（Katherine）與媽媽黛比（Debbie）都打算出手阻止佢變成「不文女」。可能呢排風頭火勢，巴莉絲近日未有再在社交網分享露肉照及回應拍三級封面一事，僅與粉絲開心Share活動相及與愛犬的溫馨家居照。
其實巴莉絲家族都有人上過《花花公子》，正正就係巴莉絲姑媽，即MJ家姐娜托也（La Toya）！佢先後於1989年及1991年拍過兩期，分別谷出深長事業線及穿上透視裝，造型大膽，內頁更大方露點，震撼一時，惟佢事後堅稱係前夫兼前經理人Jack Gordon動手打她，逼佢進行拍攝，並非自願！相反，巴莉絲今次係甘心情願，所以MJ若然喺泉下知道，一定死唔眼閉！
|
鍾意就快D Share啦！
|
|
|