一年一度嘅香港書展將於下周三（18日）開鑼，寫真集屬兵家必爭之地，戰況一觸即發！今年除咗人母楊思琦、日模松岡李那同輕熟女甄詠珊加入戰團外；o靚模組別可以話係燕瘦環肥乜都有，上圍由A Cup至H Cup，但勝在唔遮掩。或許大家會花多眼亂，《蘋果》就幫手嚴選十本純天然至索寫真，打假波同整容樣「盡力」篩走，睇吓邊本最啱你心水？
1. 楊思琦《Miss Szeki 2018》
楊思琦出名童顏，雖然40歲先出寫真，但一啲都唔輸蝕畀一班後生女。話晒係2001年冠軍級港姐，論知名度已經贏晒，加上34D、25、34 嘅噴血身材，唔少網民都讚佢仲fit過未生之前。而思琦今次亦去咗馬來西亞五日四夜取景，當中除咗有靚相之外，仲有文字配合分享思琦嘅成長及內心世界。
2. 松岡李那《I’m Yours》
想日模松岡做你男朋友？唔係有錢先至得！買番本寫真集或許會滿足到你願望，因為松岡今次呢本以「男友視覺」出發嘅寫真，完全畀你有拍拖感覺，松岡走遍香港大小角落包括旺角菜街，大牌檔等等，仲會騷「蜜桃胸」同豐臀，令人想入非非。
3. 沙律 X Kimi《閨密遊記》
嫌一個人太悶？沙律（張沛樂）同Kimi（趙詠瑤）今年以孖妹姿態帶大家遍遊台灣，由台北玩到落台南。佢哋今次換咗30幾個造型，除咗有泳衣、睡衣、內衣呢類例牌裝束外，仲會有浸溫泉嘅全裸相，佢哋話係兩個女仔互影，性感呎度去到邊？就真係要買番本嚟睇真啲。
4. 楊嘉文 《My Double May》
今年寫真戰中最「重量Cup」嘅靚模！年僅21歲嘅楊嘉文（Kana）擁有32H驕人上圍，比例上喺有少少誇張，但佢今次就玩鄰家女孩Feel，走均公園、巴士站、機舖等貼地場景，同大家展開一場尋覓青春之旅。
5. Rose Ma 馬俊怡 《初次/RoseMa First Album》
電競女神Rose Ma（馬俊怡）推出處女寫真，投資六位數拉大隊去東京取景。今次佢真係好努力keep fit，當中以內衣造型最性感，大騷34D豐滿上圍。另外，仲有好貼地嘅「乾物女」造型，同去到男人最熟悉嘅泳池"That Pool" 影相，但Rose Ma就叫大家唔好訛咁多，其實冇咩唔同喎。
6. 甄詠珊《惡人菊 CHANGE 甄詠珊》
前女子組合Freeze成員甄詠珊，由歌手變演員，由隆胸再拆彈，人生經歷過好多起跌。37嘅甄詠珊早前憑大台劇《果欄中的江湖大嫂》扮演「惡人菊」成功入屋，乘着其人氣，決定今年推出影集，更請埋著名攝影師葉青霖門生金永峰操刀，遠赴歐洲取景，當中有喺巴塞隆拿沙灘影嘅水著照。在云云女星寫真及影集中，只有甄詠珊的影集，成功爭取在書展的會場內，舉行簽名會。
7.伍倩彤《Find Me In Praha》
有「嫩版張曼玉」之稱嘅伍倩彤（Gillian），係第四代「邦民女」之一，最近加盟「耀榮文化」旗下，即獲公司力捧推出處女寫真集。佢唔玩少女風，而係遠赴布拉格展現性感貴氣。寫真集中，Gillian穿着知名品牌嘅內衣同服飾，換上超過二十套服裝，拍攝逾二千張照片，期間遇上大雪，雖然着得好少布，但佢仍保持專業，順利完成。
8.周鎧彤《周鎧彤 大不彤》
擁有F Cup上圍嘅「巨胸張曦雯」周鎧彤，加入娛樂圈7年，今年佢決定推出一本唔賺錢嘅寫真，因為佢打算將收益扣除成本，捐去特殊學校。講番本寫真，當然不乏噴血造型，佢搵咗一男一女攝影師操刀，去到台灣郊區拍攝，希望從唔同嘅角度，透現出歐美風格及女性美感。
9.簡幗儀《This is Lilian for u》
Lilian有「靚女女神設計師」之稱，擁有靚樣、好身材，最重要係佢本身係設計師加上自己有公司，真係一個才女，今次係佢第四次出寫真，而當中所有嘅造型都係Lilian自己諗。今次Lilian新書主力會分享啲小秘密，當中都係讀者朋友發問嘅問題，所以想了解多啲Lilian就唔可以錯過呢本書喇。
10.楊曉穎 《My...First Sharon》
「陳嘉容師妹」27歲嘅楊曉穎向來都好proud of自己嘅A級，今年單飛殺入書，喺寫真集中演繹十多個造型，其中一個主題帶你闖入私人密室，而呢個密室就係佢屋企嘅睡房，本身習慣裸睡嘅佢，喺寫真中呈現，裸露全背還露少少股隙，十分誘人。
精選娛聞，喺晒《娛果》 http://fb.com/appledailyent
| 今年寫真燕瘦環肥乜都齊，真係要細心挑選。 | | |
| | | |
| | | |
| | | |
| | | |
| | | |
| | | |
| | | |
| |
|
鍾意就快D Share啦！
|
|
|
