掃呢頁CODE去手機

2018年7月14日 星期六

網民熱話:長期受小S攻擊!林志玲出招還拖 __,小S,林志玲,志玲,徐熙娣,

小S同林志玲呢對鬥氣冤家喺新節目再度相遇!台灣女星徐熙娣(小S)同林志玲係圈中出名嘅鬥氣冤家,兩個每次碰頭都會擦出唔少火花。呢日志玲為小S同蔡康永主持 ...


小S同林志玲呢對鬥氣冤家喺新節目再度相遇!


台灣女星徐熙娣(小S)同林志玲係圈中出名嘅鬥氣冤家,兩個每次碰頭都會擦出唔少火花。呢日志玲為小S同蔡康永主持嘅新節目《真相吧!花花萬物》擔任嘉賓,未出場就已經畀小S攻擊為「大腳怪獸」,不過志玲都唔惹少,反擊笑小S矮自己成個頭,真係成地花生!

一開始,志玲坐喺旋轉椅,配合吹風效果,嚟個女神式出場,點知就畀小S踢爆話佢機心重,指上集嘉賓謝娜出場時都只係普通登場。之後志玲索性邀請小S坐上旋轉椅,仲自告奮勇話親自幫佢用風筒吹起秀髮添!本來小S都好開心想一嘗女神式登場嘅滋味,但原來志玲另有陰謀,佢將風口近距離貼近小S,吹到小S面容扭曲,實行要大報復,同時炒熱全場氣氛!

之後,志玲突然指為小S準備咗一個墊腳箱暗寸佢矮,不過小S死都唔肯企上去,堅決唔認矮,志玲於是使出絕招,主動踎低同小S平排,激到小S完全無法招架。雖然佢哋鬥到你死我活,但一面對外敵,就即刻變得非常合拍。事關有現場男嘉賓話細細個就睇佢哋做戲,即時激到兩位女神眼火爆、聯手反擊,小S仲嬲到用主持提示卡怒掟對方,相當爆笑!唔少網民都話小S同志玲呢個組合百看不厭,仲大讚志玲有進步,反應快咗識得還擊。

網民有話兒:

艾利xx歐:林志玲情商真的很高!

夏xxxXU:笑抽筋了,哈哈哈哈

尼xxxxx馬達:志玲姐姐太完美了,簡直是不老神話

Chxxx779:小S吐糟超在行的~


來源 source: http://hk.on.cc
鍾意就快D Share啦!