熱爆娛樂: 【整容過程曝光】因意外爆嘴甩牙毀容迪子到韓國削顴骨、隆鼻、V面 _

2018年7月2日星期一

【整容過程曝光】因意外爆嘴甩牙毀容迪子到韓國削顴骨、隆鼻、V面 __,整容,迪子,

歌手迪子去年10月在首爾發生跌倒意外，搞到嘴唇爆裂瘀腫，上排牙齒仲幾乎撞甩晒，面臨毀容嘅迪子要花十萬修補牙齒，幸獲韓國整容醫院協助，除了免費幫佢重修牙齒之外，原來迪子仲悄悄做埋整容手術。

迪子接受《蘋果》電話訪問承認，今年3月13日喺韓國接受三項整容手術，包括：自體脂肪移植面部輪廓塑形、自體軟骨鼻塑形、削顴骨，迪子坦言：「預定一年後先可以完全消腫，其實比我想像中冇咁痛，只係頭幾個禮拜傷口等消腫時好辛苦。同埋睇電視或網上見到，啲人都整到好似混血兒，我都有講笑話，點解我整完唔似混血兒，係咪失敗咗，我都唔想太唔同樣，驚阿媽唔認得我，所以我只係微調。」

整完返香港後，最初迪子冇話畀朋友知，好多人都唔覺佢整咗：「後來我先同佢哋講，大家覺得整得自然啲仲好。」諗番當日毀容情況，迪子不時忍唔住喊，最後寫咗新歌《美哉》鼓勵自己：「呢件事畀我深刻體會，在以貌取人嘅商業社會好難生存，所以我有感而發寫咗呢首歌，唔想畀自己活喺悲傷裏面，不如化悲痛為力量，自己嘅人生，自己才是導演。」

所以，迪子同韓國醫院多次接觸及溝通後，決定由意外、毁容、整容手術、康復期間嘅過程，製作成新歌《美哉》MV。

精選娛聞，喺晒《娛果》

http://fb.com/appledailyent

迪子到韓削顴骨、隆鼻、V面	迪子去年在韓國跌倒，令牙齒脫落嘴唇爆裂。	 當日樣貎被毀，迪子諗起都喊。
 迪子出意外後一度留在韓國	 今年三月迪子到韓國整容	 迪子寫新歌《美哉》鼓勵自己
 迪子將整容過程加入新歌MV	 整鼻、削顴骨、整面部輪廓，迪子覺得自己靚咗。