掃呢頁CODE去手機

2018年8月3日 星期五

【娶女神要等等】Ali直言未有嫁人計劃 男友陳炳銓尋求安慰搵friend陪? __,陳炳銓,女神,

《BB來了》劇情貼地令收視高見28.8點,暫成本年度最好成績。其實劇情以外,演員當然功不可沒,而一眾女角色更成為眾多網民心心眼追捧對象,例如賢妻良母f ...




《BB來了》劇情貼地令收視高見28.8點,暫成本年度最好成績。其實劇情以外,演員當然功不可沒,而一眾女角色更成為眾多網民心心眼追捧對象,例如賢妻良母feel嘅阿妙、辣妹朗朗,以及近日不時上演誘惑橋段嘅冶艷Sharon。

不過,亦有觀眾視佢哋如無物,剩係想睇某一位女演員,邊位咁堅揪?之唔係允豬囉,因為堅係可愛吖嘛。日前6位允豬中嘅4位,更齊齊出席劇集宣傳活動添,作為fans嘅你哋又分唔分到邊個打邊個,邊個允豬邊集出過場呢?

當日活動上Ali對住4個寶貝女愛不釋手,抱唔停攬唔停,母愛極之泛濫,難怪早前有傳佢拍完呢套劇後勾起結婚念頭。不過,佢就喺活動上斬釘截鐵咁回應:「今明兩年都未有結婚計劃。」

Ali未有嫁人打算,加上job接job無咩時間拍拖,所以男友陳炳銓好多時都係「食自己」,再唔係就好似呢日咁約幾個朋友一齊四圍逛、打發時間。

據知情人士透露,就算外間一直用「女尊男卑」、「美女與野獸」等形容佢同Ali,但陳炳銓EQ高唔介意,仲話兩人嘅關係與相處,無人清楚得過當事人。加上男方外國回流有才華,大台未來一姐Ali唔單只唔嫌棄,仲好相信男友能力添。難怪Ali直言未想做陳太住,陳炳銓都可以笑容滿面四圍hea啦。

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app
劇中,范文雅不時上演誘惑橋段,令網民大飽眼福。

但有觀眾更想看到允豬。

日前6位允豬中的4位,出席宣傳活動。

Ali忙於工作,男友陳炳銓只能搵friend陪。


鍾意就快D Share啦!