掃呢頁CODE去手機

2018年8月1日 星期三

【BB來了結局劇透】Ali帶允豬返外家 高海寧用肚換1980 徐榮被車撞命危 __,高海寧,

大結局劇透!《BB來了》嚟到結局篇,劇中couples嘅關係大部分轉差。不過,基於大台慣例,斷估最後都應該係開心BBQ嘅。「絕世好爸」黎諾懿成為紅爆網 ...




大結局劇透!《BB來了》嚟到結局篇,劇中couples嘅關係大部分轉差。不過,基於大台慣例,斷估最後都應該係開心BBQ嘅。

「絕世好爸」黎諾懿成為紅爆網絡嘅KOL,但就變到搵錢大過天,連允豬日常生活都搞到好商業化,不停拍片sell產品,令Ali勁不滿。最後,佢更被踢爆假扮記者,向士多老闆取得「保護龍仔」片段,再放上網自製新聞。Ali覺得老公為咗錢做假,連關心自己同個女都係做戲,於是提出分開,並帶允豬返外家。

羅樂林方面,的起心肝學游水但遇意外入院,陳秀珠無問候反而踩多兩腳:「不自量力,累人累己。」羅樂林忍氣吞聲,直到出院返屋企發現心愛嘅金魚死咗,終於大發脾氣鬧陳秀珠當佢透明,唔顧佢感受,再離家出走。而陳秀珠獨對家中空魚缸,終於醒起自己忽略老公多年。

高海寧有咗李家大房長子嫡孫,於是潘芳芳阻止范文雅騷擾高Ling,更同高Ling簽協議,「以與黃致豪共同擁有嬰兒撫養權為條件,換取1980擁有權」。

姚嘉妮回應吳家樂嘅表白,關係更勝從前,但又覺得同男方格格不入,只好放棄感情,仲搵一班姊妹唱K散心,點知木獨吳家樂突然「劉華」上身,大唱冧歌搏得女方歡心。

楊證樺要求楊卓娜復合不果,大受刺激下刀傷害徐榮,又令徐榮被車撞到入院。楊卓娜悉心照顧徐榮,見對方好得七七八八後不辭而別。徐榮懷疑盧宛茵趕走楊卓娜,但Madam Lo否認,更終於承認自己有問題,破壞咗兩個仔嘅婚姻。

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app



鍾意就快D Share啦!