掃呢頁CODE去手機

2018年8月1日 星期三

曾志偉:以為係越南!港姐外景去西貢 志偉寸爆咁答 __,志偉,港姐,曾志偉,

志偉呢個回應真係超正!藝人曾志偉在灣仔出席餅店廣告記招,現場與小朋友一齊整月餅時整蠱他們,十分搞笑。已經第二十三年為餅店拍攝廣告的志偉笑謂今年的廣告拍 ...


志偉呢個回應真係超正!


藝人曾志偉在灣仔出席餅店廣告記招,現場與小朋友一齊整月餅時整蠱他們,十分搞笑。已經第二十三年為餅店拍攝廣告的志偉笑謂今年的廣告拍得最舒服,他笑說:「我瞓住拍冇乜嘢搞,但到我醒佢哋就瞓,永遠最難拍就係小朋友,但小朋友拍就好真,效果好唔同。(整蠱啲小朋友?)要引佢哋開心,都有嚇佢哋,都有嚇到喊。」

最大個孫17歲

問到志偉會否叫與孫兒拍攝廣告?他說:「我個孫最大17歲最細都五歲大咗啲,其實拍咗23年咩都試過三代同堂都拍過。」

志偉有留意今年的香港小姐,大讚質素比往年好,問他會否擔任港姐司儀?他笑說:「等佢哋搵我先,要睇吓咩模式,如果好似上年咁,淨係出嚟講幾句嘢就唔好喇。」

今年港姐取消外景拍攝,最近到西貢拍特輯被網民取笑由以往的歐洲外景淪落到西貢取景,志偉聞言還誤以為到越南的西貢拍攝,得悉是香港的西貢笑說:「西貢咁遠呀,離將軍澳好遠喎。(會唔會覺得失色?)我自己就鍾意以前嘅模式,可以不斷更新嘅,但有啲嘢係需要保留原味。香港小姐一年一度觀眾係期待嘅,大家都會想睇泳裝、問答環節、外面花絮,新聞界一齊出埠報道,大家討論,觀眾對港姐多啲認識,咁節目都會好睇啲。」


來源 source: http://hk.on.cc
鍾意就快D Share啦!