內地熱播宮廷劇《延禧攻略》紅爆兩岸三地，成為網民熱論話題，劇中演員百花齊放，除咗有本身知名度高嘅佘詩曼，擔任女主角嘅吳謹言，亦由原本默默無名變成無人不曉，其他演員人氣亦不斷飆升，隨即被網民起底！
粉絲人數超過二百萬
就好似原本伺候皇后、之後變咗伺候女主角「魏瓔珞」嘅宮女「珍珠」，原來佢係網絡「抖音女神」張天韻，以網名「曉曉的寄幾」行走江湖，粉絲人數超過二百萬，喺網絡世界受歡迎程度如明星，一直人氣高企！張天韻拍過唔少短片，當初因拍攝《老公天下第一》紅遍網絡，其標致、甜美臉孔，俘虜唔少宅男芳心。不過，有網民話張天韻離開偉大嘅美肌效果之後，完全認唔出佢：「乍看真認不出來！」
粉絲力撐有演藝天份
張天韻不時喺微博上載《延》劇照宣傳，雖然佢相貌精緻，不過換上古裝、梳貼服中分髮型兼配上清淡妝容，同平日個樣的確好大出入！之前張天韻知道有網民認唔出佢，大方喺網上留言：「《延禧攻略》別猜了是我！又笨又饞的傻白甜。」正所謂有人彈自然就有人讚，有部分張天韻嘅粉絲就大力支持偶像，讚佢有演藝天份，仲話期待佢有更多演出。
網民有話兒
禾XX：居然是你！看的時候還在想，這個宮女好好看
尤XXXX12：的確，不說我都不知道，不過這就是網紅和明星的差距啊，女主雖然看着很一般，但是和她一比又覺得是美的
Ccxxxxxxxxxxxxxxhia：除了牙還是抖音上的牙。。其餘的都變了
TYXXX：小姐姐和珍珠的差距，就是眉形和髮型啊。都很好看的。沒想到是為了看你去追劇
P.S.抖音，是一款可以拍短視頻的音樂創意短視頻社交軟件（APP），用戶可以通過這款軟件選擇歌曲，拍攝15秒的音樂短視頻，形成自己的作品。此APP已在Android各大應用商店和APP Store均有上線。
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|
