於95年參選港姐奪冠的楊婉儀，今年6月與丈夫王帥勳再捲入錢債官司，二人任董事的公司遭財務公司入稟，追討連本帶利逾376萬元欠款，以及需交出用作還款保證的港姐后冠及加州物業擁有權。作為當事人的楊婉儀夫婦前晚首度出席公開活動，帶同一對仔女現身九龍灣撐甄子丹任監製及演出的電影《大師兄》慈善首映。
甄子丹撐女入行
楊婉儀入場前大方受訪，但被問到關於以后冠作抵押及學校關閉等問題時，表現尷尬，只禮貌說：「呢方面唔好意思，唔可以講任何嘢，交咗畀律師，已進入司法程序，唔可以講任何關於呢件事。」再問到是否有財政困難，她就表示要趕入場，迴避回答。
作為《大師兄》監製及主演的甄子丹，與太太汪詩詩以校園造型現身，提到三個子女讀書成績不錯兼自律，他大讚囡囡Jasmine有表演天賦，覺得她適合入行。
雷莊𠒇攜外籍男
問到內地拍戲所交稅項大幅提升，甄子丹之前被指拍《葉問4》收一億，現在會否只能收上限五千萬？他說：「呢個係資源分配問題，我覺得電影業係多勞多得，你付出多啲、賺多啲，咪交多啲稅囉！問題係針對緊唔係用心拍戲，途徑唔正當嘅，我當然唔贊成啦，我完全公開透明嘅，呢十幾年我都係同四大公司合作，每部戲我都唔同崗位，有時監製有時導演，好透明。製作都有責任，演員收得貴係你情我願，又唔可以因為你畀咗個演員，喺其他地方縮，咁係唔平衡。」至於之前表示會去荷李活發展的雷莊𠒇，前晚和外籍詠春師傅一齊到場。
採訪：羅慧敏
攝影：陳俊強
|
鍾意就快D Share啦！
|
|
|
