3名長者在車廂指罵疑阻路女乘客，行徑甚為矚目。(Facebook專頁「巴打絲打 Facebook Club」影片截圖)
兩代矛盾早已成為社會問題，而且更蔓延至日常生活。近日有人上載一段短片，有年輕女乘客乘搭港鐵時，被指蹺腳阻礙通道，結果惹起兩名男女長者不滿，隨後另一長者加入圍攻，指罵內容由阻路到「唔讓座」，甚至「讀屎片」，女乘客雖一度出言反駁，但在「寡不敵眾」下，最後亦收口投降。
片段開始，兩名男女長者站在一排座椅前，罵戰已經開始，「離晒譜，後生唔讓位無人話你，但係你隻腳唔好隊出嚟！」，女乘客語帶不滿反問：「後生就一定要讓位嘅？」男長者應道：「無人話一定要你讓位，你唔啱仲喺度講！」
此時另一名身穿格仔衫的阿叔突然從另一車卡走出，他在兩長者旁聽了一輪對話後，便加入戰團，而且表現更加激動，指着女乘客說：「香港啲後生女畀你影衰晒…好似好巴閉咁！」，期間女乘客雖想反駁，但在3人圍攻下，聲音愈說愈細。
不過3人似乎愈鬧愈興起，女長者直呼對方野蠻人，此時阿叔說：「都唔知讀乜書」，女長者隨即和應：「有鬼讀書咩，讀屎片」最後阿叔又指女乘客：「唔知咩叫禮貌。」
雖然片段未有拍得女乘客如何「隻腳隊出嚟！」，但有網民認為，就算是女乘客不對，長者們亦「攞晒彩」，「無必要鬧得咁狠」，有人更直指3人是「X老」，恃老賣老，惹遇上態度惡劣的長者，絕對不會讓座。不過不少網民將焦點放在格仔衫阿叔身上，「無端端衝過去厚多士先好笑」、「又關阿叔咩事，行過去鬧人做乜X」。
來源 source: http://hk.on.cc
|
鍾意就快D Share啦！
|
|
|
