掃呢頁CODE去手機

2018年9月24日 星期一

《延禧攻略》:勁減8kg變瓔珞!吳謹言絕密「631」食法曝光 __,吳謹言,延禧攻略,

敢相信圖左嗰個係吳謹言嗎?28歲內地女星吳謹言,憑一套宮鬥劇《延禧攻略》魏瓔珞一角紅遍中港台,佢啱啱嚟到香港,追星機會又嚟喇!然而,除咗扣人心弦嘅劇情 ...


敢相信圖左嗰個係吳謹言嗎?


28歲內地女星吳謹言,憑一套宮鬥劇《延禧攻略》魏瓔珞一角紅遍中港台,佢啱啱嚟到香港,追星機會又嚟喇!

然而,除咗扣人心弦嘅劇情外,好多《延禧》粉絲都留意到吳謹言苗條身段,真係羨慕都嚟唔切。到底瓔珞是怎樣煉成的,好多絲打都想知。

肥妹水桶腰嚇親人

喺爆紅背後,吳謹言花咗唔少功夫喺角色設計入面,事關劇中瓔珞係一個繡坊小宮女,頭腦機靈卻有纖瘦得弱不禁風Body,為咗呢個風吹得起嘅身材,未拍《延禧》前,吳謹言體重係有51kg(約112磅),以佢1米65身高,算幾有肉地。

東網更搵到絕密肥妹相,闊身冷衫都遮唔住佢條水桶腰,加埋微隆嘅小腹,真係「孕味」甚濃呀,咁點做瓔珞呀?

唔使戒肉同澱粉質

嗱嗱嗱!由肥嘟嘟變身輕如瓔珞,將8kg(約18磅)贅肉揮走的確唔容易。吳謹言就公開絕密收身大法,全靠3個數字「631」。究竟係咩玩法?吳謹言話唔使戒,亦唔使戒澱粉質嘅,其本上乜都食得,只係將你每日要食嘅嘢分成10份,早餐食6份,午餐就食3份,到晚餐就只食1份,呢個就所謂「631」比例食法,食嘅份量隨早至夜遞減,不過要擁有「瓔珞Body」喺食材方面都要少少注意,好似吳謹言就堅持少油少鹽,多菜少肉去配合,效果自然加倍「到位」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!