2018年9月24日 星期一

【中秋團圓 】古天樂爸爸係粵語片明星 與張英才食飯爭俾錢 __,古天樂,

(資料圖片/fb圖片)
明日是中秋節,「大姐明」林建明昨日約埋一班圈中好友預早食飯慶祝,喺facebook貼上大合照,除見到三哥苗僑偉、三嫂戚美珍、古天樂、謝天華之外,仲有前 ...


明日是中秋節,「大姐明」林建明昨日約埋一班圈中好友預早食飯慶祝,喺facebook貼上大合照,除見到三哥苗僑偉、三嫂戚美珍、古天樂、謝天華之外,仲有前輩盧海鵬,同埋久未露面嘅張英才與太太和姨甥女一齊出席。



84歲嘅才叔喺2006年退出幕前,相中見佢一頭白髮,但精神甚佳,三嫂仲喺才叔身後舉起兩隻手指公讚好。大姐明今日接受《蘋果》電話訪問,透露食局係由三嫂一個人負責,非常有心,佢話﹕「三嫂簡直係跌落凡間天使呀,佢好照顧長輩,平時就帶盧海鵬去睇眼,過時過節就約埋班前輩出嚟食飯,才叔住得遠,佢就安排車接載,真係好有心。」問到才叔健康如何?佢話﹕「好好呀,條腰好直。」



問到點解古仔都會現身?大姐明解釋﹕「都係三嫂安排,咁古仔部《L風暴》大收搞慶功,古仔提議唔好兩邊走,不如就去埋佢間名廚食飯,又真係好好食,最後佢仲好客氣唔俾大家埋單。」



其實古仔同才叔好有淵緣,古仔嘅爸爸係粵語片明星,藝名高峰,曾經與吳君如父親夏春秋、張英才、司馬華龍、已故的鄧寄塵等藝人合作拍戲,只可惜星運麻麻。大姐明笑言﹕「係咪有啲九唔搭八(坐上客),其實才叔係古仔老竇嘅老友記,好高興,全靠三嫂安排,真係不得了。」



精選娛聞,喺晒《娛果》 http://fb.com/appledailyent



(資料圖片/fb圖片) 三嫂安排中秋節飯局,大姐明、鵬哥、才叔都是座上客。 三嫂安排中秋節飯局,大姐明、鵬哥、才叔都是座上客。
古仔父親(箭嘴示)當年與鄧寄塵(後排右一)、夏春秋(後排左一)、張英才(後排右三)等合作拍戲。(資料圖片)

古仔父親(箭嘴示)當年與鄧寄塵(後排右一)、夏春秋(後排左一)、張英才(後排右三)等合作拍戲。(資料圖片)
張英才(資料圖片)

張英才(資料圖片)
古天樂爸爸(資料圖片)

古天樂爸爸(資料圖片)
古天樂媽媽(資料圖片)

古天樂媽媽(資料圖片)

鍾意就快D Share啦!
Related Posts Plugin for WordPress, Blogger...