2018年9月3日 星期一

【好似Batman咁神秘】開學日要湊女 華仔:冇人發現我入過學校 __,華仔,劉德華,

攝影:林賓尼
劉德華將於12月舉行「MyLoveAndyLau劉德華WorldTour」,今日喺洲際酒店舉行宣傳,華仔以棟篤笑形式又唱又跳,舉行咗一個35分鐘嘅小型 ...


劉德華將於12月舉行「My Love Andy Lau 劉德華 World Tour」,今日喺洲際酒店舉行宣傳,華仔以棟篤笑形式又唱又跳,舉行咗一個35分鐘嘅小型演唱會,期間展示佢以前拍劇同演唱會畫面,重溫經典爆呔場面及講述墮馬後一啲小趣事,連女兒問題都回答無所不談,與現場百多位粉絲及贊助想共度開心時刻。



華仔透露演唱會海報「My Love」個logo係佢親以英文書法設計,仲話欠大家一首歌,暑假期間就去咗布拉格為咗演唱會製造咗隻全新大碟,仲話只得一隻,然後拎咗隻真碟出嚟。之後問大家對於佢有咩難忘地方?大家喺現場就大嗌靚仔,華仔話:「細細個我爸已經話畀我知。」



講到難忘畫面時,螢幕展示華仔曾經在演唱會中造型,包括小鳳仙、空中飛人、跳拉丁等,重點係難忘嘅爆褲相片,華仔形容:「係不可修補的裂縫。」自始後造褲會整闊啲,並心情大靚對傳媒表示今日問乜都得,你敢問,我咁答,即時問佢今日唔使湊女放學咩?華仔就話:「就係知你哋會問呢啲,所以搞哂你哋嚟呢度,唔好搞我個女,今早我好似batman咁,冇人發現我入過學校。」再問到佢屋企人會唔會嚟睇演唱會?華仔大方話:「點會唔嚟,用下腦啦。」之後華仔就跳咗一part獨自去偷歡舞步,問到佢現時腰部如何,佢話係得嘅,OK嘅。



接住華仔唱出《如果我有事》,佢話知道好多人都想聽,但每次唱到中段,公司都會有人行出嚟同講點解演唱會要唱呢啲歌,不過實在好多人鍾意,現正爭取緊列入歌單中。



華仔又介紹演唱會唯一嘉賓,揭開一個幕見到一個華仔1:1嘅figure,佢話:「都唔知點解七嚿腹肌鴛鴦,但未來日子裏面睇唔睇到七嚿就未必得,因為已經係七年前嘅事,未必返得到嚟,曾經都call過佢,招呼都唔打就cut咗我線。」



精選娛聞,喺晒《娛果》

http://fb.com/appledailyent



攝影:林賓尼  劉德華宣傳演唱會,變咗一個35分小型演唱會。 劉德華宣傳演唱會,變咗一個35分小型演唱會。
 又播放咗好多佢嘅唱片封面、演出嘅經典場面。

又播放咗好多佢嘅唱片封面、演出嘅經典場面。
演唱會海報「My Love」個logo,係佢親以英文書法設計。

演唱會海報「My Love」個logo,係佢親以英文書法設計。
佢話暑假去咗布拉格為咗演唱會製造咗隻全新大碟,仲要係得一隻,同埋展示實物。

佢話暑假去咗布拉格為咗演唱會製造咗隻全新大碟,仲要係得一隻,同埋展示實物。
 今日開學,華仔都話有湊女返學,不過冇人發現佢。

今日開學,華仔都話有湊女返學,不過冇人發現佢。

鍾意就快D Share啦!