掃呢頁CODE去手機

2018年9月3日 星期一

【天王女生日】郭富城慶祝小公主滿1歲 米奇米妮陪切蛋糕 __,郭富城,

城城昨日在迪士尼為女兒舉行1歲生日會(網上圖片)
生日快樂!廿四孝老竇郭富城為慶祝囡囡Chantelle踏入1歲生日,據知噚晚城城喺迪士尼酒店為愛女搞咗個生日會,除咗有米奇同米妮陪囡囡切蛋糕,城城仲請 ...


生日快樂!廿四孝老竇郭富城為慶祝囡囡Chantelle踏入1歲生日,據知噚晚城城喺迪士尼酒店為愛女搞咗個生日會,除咗有米奇同米妮陪囡囡切蛋糕,城城仲請咗藝人好友帶埋星二代出席,包括沈嘉偉同邱淑貞,張智霖同老婆袁詠儀、楊千嬅夫婦等,成班小朋友陪囡囡喺樂園歡度生日,充滿笑聲。



城城於去年4月同方媛結婚,同年9月22日喺社交網宣告生女,貼一家三口手牽手相,並寫道:「開心、微妙、感恩!我們三人!成長、家庭、守護!」城城從來都冇透露過囡囡嘅出生日期,仲以為小公主係9月中出世;直至噚日城城喺迪士尼為囡囡搞1歲生日會,相信Chantelle嘅正確生日應該係9月初。



另外,噚日迪士尼好熱鬧,除咗城城為囡囡搞1歲生日會,前大台主播蔡雪瑩都為囡囡Sheryl搞百日宴,就喺正城城隔籬嘅ballroom舉行,蔡雪瑩同全國政協朱銘泉兒子朱威霖結婚2年,育有一子一女湊成「好」字,蔡雪瑩喺社交網貼百日宴相並留言:「Happy 100th day birthday to Sheryl. 」前主播葉昇瓚一家四口都有到賀,齊齊同白雪公主合照,順帶一提,葉太係羅力威嘅胞姊。



對於跟城城囡囡隔鄰場慶祝,《蘋果》聯絡蔡雪瑩問到見唔見到Chantelle?蔡雪瑩表示:「唔知道,因為有好多ballroom,我喺入面玩緊都冇留意。」



精選娛聞,喺晒《娛果》

http://fb.com/appledailyent



蔡雪瑩夫婦昨日都在迪士尼為囡囡搞百日宴(網上圖片) 蔡雪瑩夫婦昨日都在迪士尼為囡囡搞百日宴(網上圖片)
張智霖同袁詠儀嘅囝囝魔童喺IG貼相話好悶

張智霖同袁詠儀嘅囝囝魔童喺IG貼相話好悶

鍾意就快D Share啦!