鎮宇舊患發作。
影星吳鎮宇、黃德斌、胡定欣及導演陳詠燊到鑽石山出席室內龍舟競賽活動，鎮宇撐着拐杖到場，德斌及定欣則應邀在台上划了幾下龍舟機，電影中沒有扒龍舟的定欣功架似模似樣，鎮宇即笑言下次可開拍「逆流大嬸」。鎮宇表示腳傷是舊患發作，記得多年前台慶表演蒙眼穿圈跌親受傷，每隔幾年便會復發一次：「會冇啦啦痛，因為傷開，條筋移一移位，轉身都痛，冇辦法，只可以笑，有時痛到嗌阿媽！」講到主演電影票房已達600萬元，鎮宇說：「希望每場場次都爆，香港人應該支持番自己電影，我唔贊成已經冇咗港產片呢個說法，只要拍畀港人睇就係港產片。（會繼續謝票？）會呀！希望票房得到對等價值，唔係得賀歲片先好收，其實院線做生意都係睇幾多空置率，我反而唔想開咁多場，希望每一場都見紅，做到暑假後繼續上，咁就改變院線上映模式。（覺得吐氣揚眉？）又唔會，但港產片係有存在價值，呢套OK咗，就會更多人願意拍。」
講到早前收過500萬，有份演出的胡子彤晒騷肌照，鎮宇笑對方50蚊也會騷，他又說：「收一千萬就到我，我都有練開㗎！」現場定欣身穿低胸裝，有龍友於二樓不停高炒她，她表示不怕走光，已做足安全措施，問是否真的考慮拍「逆流大嬸」，她說：「德斌改過另一個名叫逆齡大嬸，雖然我仲未係呢個年齡。」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|