為要打破「四大外父」呢個招牌，相信四大天王當中，總有人努力緊，一直默默耕耘，等待收成。
早前囡囡Chantelle一歲生日，城城郭富城為愛女喺迪士尼開生日會慶祝，仲親口同親友講「雙喜臨門」。《蘋果》獨家爆料城嫂Moka（方媛）有咗，一心想追個仔嘅城城，有指曾私下謂老婆生幾多個都得。而Moka亦積極尋找生仔秘方，所以囡囡剛滿一歲，已經準備做家姐喇。
身形瘦削嘅Moka，上次陀B都唔係太明顯見肚，但第二胎就唔同。日前（4號）Moka出席台灣女星余佳噥生日派對時，肚仔似乎已經「凸凸地」喇。
身穿鬆身背心連身裙嘅Moka，腹部微隆，不過仍然面尖尖，手臂仍然纖瘦；至於另一張坐低亦見到腹部隆起，不過因為Moka真係太瘦，所以當時眾賓客未有為意。
余佳噥多年前與星皓影業老闆王海峰弟弟王海平結婚，王海平亦是星皓公司董事。城城
城城成日拍星皓嘅電影，已經十分熟落，亦不時偕妻出席星皓飯局，故Moka與兩位老闆嘅太太都成為好友，不時一齊聚會。
| 身穿鬆身背心連身裙嘅Moka，腹部微隆，有指已懷孕3個多月。(互聯網圖片) | | |
| |
|
鍾意就快D Share啦！
|
|
|