掃呢頁CODE去手機

2018年9月21日 星期五

王子涵:畀王晶鬧到開竅 王子涵唔再介意靠父幹 __,王子涵,王晶,邱勝翊,

人大咗諗嘢唔同咗!藝人王子涵(Ada)早年曾揚言唔靠爸爸導演王晶父蔭,更有傳為此接拍三級片盡地一煲!入行10年嘅佢接受訪問時,坦言心態比初出道有好大轉 ...


人大咗諗嘢唔同咗!


藝人王子涵(Ada)早年曾揚言唔靠爸爸導演王晶父蔭,更有傳為此接拍三級片盡地一煲!入行10年嘅佢接受訪問時,坦言心態比初出道有好大轉變,唔會再因為外界抨擊而同爸爸鬥氣,並重提當年被拍得洽談接三級片一事,鬧爆有人刻意設局陷害做新聞,澄清從來冇接拍嘅計劃。

長大後睇開咗

Ada入行多年至今依然被以「王晶個女」作稱呼,佢直言初時對「靠父蔭」三個字非常反感,不過依家長大後經已睇開:「好多嘢我都睇化咗,靠爸爸係一條路,唔靠爸爸又係另一條路,咁當然唔係咩都要靠佢,當佢想幫而我又有需要,咁咪畀佢幫,唔使講到一定唔靠爸爸嘅,有時遇到困難又死硬頸話靠自己,咁只會永遠喺困局入面出唔到嚟。」

畀阿爸勁鬧有得着

近年,Ada先後參與多部由爸爸監製嘅劇集,包括《荷里活有個大老千》、《賭城群英會》等,佢大爆爸爸工作認真,絕不偏私:「每次拍完場戲甚至作品出咗街,佢都會同我檢討,有次畀佢鬧得好勁好唔開心,但嗰次真係令我喺演戲上有少少開竅,幫到我好多。」雖然佢對「靠爸爸」態度軟化,但至今仍對當年被指接拍三級片一事未能釋懷,佢坦言認為有人刻意安排做新聞,並相信同該電影導演劉國昌無關,藉此機會向對方致歉。

繼續增值自己

雖然Ada心態上改變不少,但對於即將踏入29歲,她就表示會繼續保持童心輕鬆面對,並指將會專注事業,感情方面家人未有催婚,自己亦明白成家立室責任重大,會等有能力照顧自己後再作打算。佢又透露未來會繼續多方面發展,除咗來年網店生意有新動向,佢亦會努力學習唱歌跳舞,增值自己。

場地:Hygge Cafe & Bar

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!