【爆相爆片】窈窕淑女、君子好逑，現年21歲的中葡混血兒麥嘉欣，去年代表澳門參加國際小姐被網民激讚，本來與澳門藝人沈柏彤拍拖的她，今年3月宣佈回復單身。不過麥嘉欣早前被本報讀者爆相爆片直擊，在港鐵車廂胸壓肌肉型男，原來該型男是現役甲一排球員李嘉豪。有指兩人已暗撻近一年，麥嘉欣疑似背前男友沈柏彤一腳踏兩船。
中葡混血兒麥嘉欣（Sofia Paiva）去年代表澳門參加國際小姐而備受關注，今年3月自爆回復單身，與澳門藝人沈柏彤已經分手，更指早於去年往東京參選國際小姐前，雙方已經醞釀分手。不過，靚女多人追是自然不過的事，相隔五個月，Sofia已經投入新戀情。本報讀者洪先生日前就透過《蘋果》爆相爆片，直擊Sofia在港鐵和新男友拍拖的甜蜜照片。
| 麥嘉欣與在港鐵車廂不顧旁人目光，攬實男友李嘉豪。讀者提供圖片 | 麥嘉欣與男友李嘉豪都熱愛玩Ig，搭港鐵也要互相影相。讀者提供圖片 | 麥嘉欣與男友在尖沙嘴站下車，麥嘉欣一邊行邊玩電話。讀者提供圖片 |
互攬影相摸頭
照片中，見到身穿黑色deep v連身裙的Sofia和肌肉男友在港鐵車廂舉止親密，Sofia用雙手攬實男友，男方亦攬實Sofia纖腰回禮。而這位擁有一副模特兒身形，約有6呎身高的男士，原來是16年國際先生香港代表、現役甲一排球員李嘉豪（Kyle）。讀者洪先生指：「嗰日大約下晝4點幾，喺旺角向尖沙嘴方向嘅港鐵車廂見到佢哋，兩個都幾親密，喺度互動影相，有講有笑。個男仔都高大靚仔，個女仔化咗少少妝，真人都係甜美，佢哋行為舉止似熱戀，互攬之餘又見到個男仔摸佢個頭，最後見到佢哋搭到去尖沙嘴就出閘。」
據澳門知情人士爆料，Sofia和Kyle透過一個澳門選美聯盟認識，兩人暗撻近一年，女方更疑似背着澳門男友沈柏彤，一腳踏兩船。去年9月接受傳媒時，Sofia提到和沈柏彤喜歡在Ig放閃，同時有傳媒影到她來港看Kyle比賽。
本報聯絡Sofia，問到她和大隻男友搭港鐵互攬一事，她直認拍拖，但未有透露對方身份：「係呀，我𠵱家拍緊拖，都一齊咗一段時間，我同男朋友冇乜話刻意隱瞞，無論我哋平時出街、網上平台都係順其自然，我有post過佢嘅相，而佢亦有post過story有我，之前我都有回應過有男朋友，不過可能冇乜人留意到。」
「放低心頭石」
Kyle於報道刊登後，昨日在Ig story留言，語帶雙關說：「放低呢一年嘅心頭大石，心情好舒服，無論如何，要繼續be good。」而Sofia則刪走與前男友在Ig的蜜照後，亦不時和Kyle在社交平台放閃。上月兩人一同去越南旅行，Sofia亦有分別貼泳照及旅遊相，Kyle亦有在其社交網留言，Sofia友人更留言踢爆攝影師是Kyle，可見兩人戀事已在朋友間公開。
採訪：唐如
|
鍾意就快D Share啦！
|
|
|
