2018年9月7日 星期五

外國女仔特別正?|康仔 __,康仔,蘇永康,

外國女仔特別正?|康仔康仔間公司成日都係執輸行頭,睇見同行搞跨國speeddating之後,阿姐先至如夢初醒,話想拉攏埋台灣總公司研究吓點樣跟風。估唔 ...


  • 外國女仔特別正?|康仔


  • 康仔間公司成日都係執輸行頭,睇見同行搞跨國speed dating之後,阿姐先至如夢初醒,話想拉攏埋台灣總公司研究吓點樣跟風。估唔到班高層真係陪佢癲,約咗兩位台灣總部嘅Marketing嚟開會,台妹喎!康仔梗係全程跟到實,睇吓佢兩個咩料

    雖然兩位台妹同事Stella同阿茹已經係媽媽級,但計顏值同衣著,依然煞食過全公司所有女。甜美笑容加上嬌嗲聲線,比起冇隻英文講得正兼極度崇洋嘅大舊飯阿姐,真係有好強烈嘅對比。

    康仔從來未試過咁有幹勁去搞好個project,因為我都好想呢單嘢可以成事,若果真係有個平台可以識到台妹,康仔願意第一個科水報名。台妹同港女真係有咁大分別?康仔以為係,但一餐晏仔之後,小弟開始有啲怕怕!

    本身阿姐話想食豪啲,帶兩位台媽去太平館claim公數,不過佢兩個似乎有備而嚟,唔知睇咗咩旅遊blog介紹,叫我阿姐帶佢哋去一間位於觀塘工廈嘅cafe潮聖。而呢間cafe果然隱世,由地鐵站行去,足足行咗25分鐘,未去到都已經腳仔軟,不過間cafe嘅裝潢又真係幾特別,打卡呃like嚟講真係冇得輸。

    大家第一日見面,估唔到台媽咁「熱情」,餐牌都未睇,就已經叫康仔幫佢哋影相,至於佢哋擺嘅pose,係康仔呢世仔最憎見到嘅pose─唔望鏡頭!小弟從來都係遊戲人間,返咩工都唔會有壓力,勢估唔到幫佢哋影相係咁大壓力,影咗幾次都唔收貨,又話要影到後面幅畫,又話要影埋對腳,影咗成5分鐘先行放過康仔。

    諗住做完「龍友」可以有啖好食,點知嘢食一到又係相機食先,碟意粉由侍應拎嚟出晒煙,到佢哋影到冇晒煙先食得。最誇張係壓軸嗰件cheese cake,阿茹直頭成件cake拎咗出門口影。媽!我想食嘢呀!

    阿茹:「對了!康仔,你懂剪片嗎?」

    康仔:「(好囉,終於可以傾公事!)E點點。」

    阿茹:「是用Adobe Premiere嗎?」

    康仔:「堆!」

    阿茹:「太好了,我們這兩天拍了一些吃東西的片段,你可以幫我們剪成一條片嗎?」

    康仔:「......沒問題!」

    阿茹:「那你先去淘寶網拍一個8塊錢的美肌filter,我們要感覺很美的,皮膚很白的效果。」

    康仔:「......閃。」

    阿茹:「什麼?」

    康仔:「行。」

    麻煩女、公主病、P圖專家,查實世界各地都有,邊只香港吖!外地嘅女特別正?可能去旅行、睇劇會令你有太多幻想,到真正相處落,你就會知道冇一國家嘅女仔係完美。

    香港地係有好女仔,只係睇你遇唔遇到,唔好因為遇過一、兩件「怪物」,就令你對港女失去信心。康仔始終覺得同聲同氣先最能夠表達到雙方嘅心意,起碼講起「關家姐」同「hihi」大家識笑,講「私煙」即係喺街見到豬扒嘅暗號,呢種港式溝通嘅情趣,跨國女友絕對畀唔到你。

    專欄作者簡介:

    康仔

    日頭返工攤抖,例牌遲到早走,收工約Friend飲酒,放假陪女玩狗。

    一日冗員,一世冗員,我是康仔。

    Facebook專頁:

    https://www.facebook.com/mynameishonghong/

    立即下載Apps,隨時隨地睇盡時政專題、深度偵查、娛樂熱話!

    按此連結:http://bit.ly/next28ap

    鍾意就快D Share啦!
    Related Posts Plugin for WordPress, Blogger...