2018年9月7日 星期五

盧冠廷難忘Danny獻吻 劉美君:無可取代 __,劉美君,盧冠廷,

盧冠廷與劉美君都曾與陳百強合作,對他依然念念不忘。
盧冠廷與劉美君都曾與陳百強合作,對他依然念念不忘。今天是陳百強60歲冥壽,早前環球推出群星翻唱Danny經典歌的專輯,後天亦會舉辦音樂會,向Danny ...


今天是陳百強60歲冥壽,早前環球推出群星翻唱Danny經典歌的專輯,後天亦會舉辦音樂會,向Danny致意。曾為Danny寫過兩首歌的盧冠廷,日前與劉美君接受《蘋果》專訪,他大讚Danny:「最鍾意《漣漪》,直情係殺死你。好難搵到咁靚仔、可以作到曲嘅歌手。我作兩隻佢都好鍾意,我覺得upgrade咗自己,因為係佢唱。」



劉美君初出道時曾與陳百強合唱。 劉美君初出道時曾與陳百強合唱。

劉美君在專輯中翻唱《粉紅色的一生》,她說:「由細個讀書聽Danny,總係覺得佢係一個憂鬱小生,到佢出《粉紅色的一生》,突然間覺得係一個好大突破,好唔同嘅一個佢,好閃令令、發光嘅Danny,我好鍾意佢唱呢隻歌嘅感覺,好正面,好陽光。」

可惜Danny的最後歲月受情緒病困擾,盧冠廷說:「以前佢見親人都開心,喺disco見到佢,佢開心到飛起,拎住披肩飛埋嚟錫咗我一啖。」Danny於35歲就離開,劉美君說:「𠵱家冇另一個Danny,起碼冇一個令我心動嘅男歌手,咁有才華,又唱英文歌。」

採訪:余燕儀

攝影:陳俊強




鍾意就快D Share啦!
Related Posts Plugin for WordPress, Blogger...