網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年9月22日 星期六

情緒病復發體重暴漲 岑日珈迷失人生 __,岑日珈,

岑日珈指患情緒病期間,生活就像行屍走肉。
岑日珈指患情緒病期間,生活就像行屍走肉。減肥是女人的終身事業,今年24歲的岑日珈,40吋長腿冇得輸,不過兩年前她曾因情緒病復發導致身形脹爆,自信跌到最 ...


減肥是女人的終身事業,今年24歲的岑日珈,40吋長腿冇得輸,不過兩年前她曾因情緒病復發導致身形脹爆,自信跌到最低點:「最迷失喺16至17年,嗰年唔知自己做乜,街唔想出,連頭髮都唔願洗,好似人生冇晒希望,做乜都好失敗,未做已經想放棄。」

撰文︰祖李

攝影︰林德雄

岑日珈15歲患上強迫症,曾因為不斷重複檢查影響生活,甚至遲到上學,後來學校社工轉介醫生,病情得到控制。不過前年拍完首部電影《PG戀愛指引》後,情緒病再復發,她說︰「拍完後接受唔到自己嘅演技,好自責,最難受係我覺得人哋畀咗咁好嘅機會自己,但自己做得咁差,網上有啲負評話我花瓶,對我好大打擊,我都懷疑自己能力,當時唔識釋放壓力,屈埋屈埋,情緒再出問題。」



暴飲暴食

情緒病復發,岑日珈惟有向醫生求助,但藥物副作用令她暴飲暴食,高峯期試過135磅。脹爆時期,她的生活就像行屍走肉,人生很灰暗︰「最迷失喺16至17年,嗰年唔知自己做乜,街唔想出,連頭髮都唔願洗,好似人生冇晒希望,做乜都好失敗,未做已經想放棄。」現在她的體重已回落到110磅︰「嗰25磅我用咗三、四個月慢慢減,每日做30分鐘緩跑或鍛鍊肌肉運動,食方面就一日兩餐,主要食綠色食物。」

迷失了年多,岑日珈近日重拾事業心再出發。入行四年的她自覺不是少女,所以今次參演郭富城新片《麥路人》,角色上要有更大發揮,她說:「我第一次做大肚角色,記得嗰日同顧定謙做對手戲,佢飾演我老公個細佬,嗰場戲我哋嗌嗌吓交,佢就郁手摑我,好嬲好大力。初初佢錫住我,唔敢大力打,打咗五、六次都係就住,導演就親自示範,佢嗰四巴好真,我啲眼水係咁標,好痛。」



捱摑面歪

拍完當晚,岑日珈回家後發覺牙骹劇痛,翌日要找中醫啪骨︰「因為細個時被媽咪打,我牙骹之前已經歪過,拍完場戲舊患出番嚟,成塊面歪咗,我要去中醫推足一個月至整番正塊面。」拍這部戲,令她完全放下了形象包袱︰「拍之前我不斷上網睇大肚婆穿羊水生仔情況,原來下體好似俾火燒咁痛,所以拍嗰陣我嗌到聲嘶力竭,最後仲失咗聲一個禮拜。」

岑日珈感情豐富,近日為新歌排舞時試過邊喊邊跳︰「首歌講分手,跳嗰陣情緒好激動。好開心麥秋成同我排舞,佢好cool,排舞時唔識笑㗎!我好驚佢,不過嚴師出高徒,佢要求高我唔敢怠慢。」

場地提供︰truefitness

鳴謝︰教練Larry Chong




鍾意就快D Share啦!