大陸選秀節目玩到出神入化，《中國好聲音》《中國新歌聲》等，每個節目都出過唔少新星。以前一直作為綜藝節目先鋒嘅台灣，近幾年都不敵大陸大製作，被比下去。但近日台灣終於嚟個反擊，推出台灣史上製作費最高嘅選秀節目《聲林之王》。節目搵蕭敬騰、林宥嘉做首席導師。佢兩個都出身於11年前嘅選秀節目《星光大道》，林宥嘉喺當年冠軍，而蕭敬騰喺踢館挑戰大魔王。
節目第一集作為導師嘅佢地當然要一展歌喉，兩個都係出晒名嘅實力派，做導師呢個位夠晒班。第一集仲搵左楊丞琳做飛行導師，遲下仲會有a-lin、徐佳瑩，潘瑋柏一班大牌歌手上陣，絕對係台灣最大製作節目！
唔只導師有亮點，就連參賽者都有亮點，其中一個參賽者原來係巫啟賢嘅女女巫詠歡，雖然有佢唱歌嘅鏡頭，但聽佢平時自彈自唱就知實力有返咁上下！
來源 source: http://nextplus.nextmedia.com
|
鍾意就快D Share啦！
|
|
|
