《蘋果》今日報道「美女飯局」騙局後，再有男士懷疑自己受騙向《蘋果》訴苦，他們的遭遇如出一轍，同一間樓上Cafe、差不多的貴價食物。有中招男士號召其他受害人集體報警。
阿開（化名）大約一星期前在交友App認識自稱「Sze」的女子，對方相約他在旺角一間樓上Cafe吃晚飯，見面時發現她與App的相中人外形相差很遠，阿開稱吃飯期間連對方的名字也沒問，埋單700多元。對方問阿開身上有多少錢，阿開感覺受騙於是拿出一張500元鈔票，訛稱僅此而已，對方隨即搶過手往埋單，並稱尾數由她支付。經《蘋果》報道後，阿開始知對方就是記者放蛇相約的Karen。阿開希望集合其他受害人一起報警。
另一名受害人施先生（化名）與「美女」相約食飯的情節幾乎一樣，賬單盛惠約1,100元，「食咗半個鐘，佢係咁撳電話，有兩部電話喺身，一路食一路有人打電話催佢走！」 施先生稱，落單的職員「好似知道我哋會叫乜，食物用膠盒裝，流程好快，好似夾埋咁！」離開時他見剛才相約的「美女」仍在附近徘徊。但他坦言除非聯同一班受害人報警，否則不會獨自報案，「好唔值嘅一餐，唔通唔畀錢咩！呃又呃咗，又唔係好大損失，當係教訓，一個笑話！」
據悉，其中一名網名「阿嘉」的少女，成為繼Karen之後，另一位當紅「美女」，不少參加飯局的網友紛叫中伏，原因是她與網相實在反差太大，有消費了千元始脫身的網友稱:「估唔到佢係一個哨牙妹」。
■記者張珮琪
你敢爆，我敢獎！ 立即WhatsApp《蘋果》24小時爆相爆片熱線或致電：63836568
| 阿開指相中的長髮女都是「飯腳妹」之一，他認為中招的男網友應集體報案。(阮斌攝/被訪者提供) | |
|
鍾意就快D Share啦！
|
|
|