網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年10月18日 星期四

網民熱話:鄭子誠大平反自封「救護情人」 網民話… __,鄭子誠,

鄭子誠真係好正呀!無綫台慶劇《跳躍生命線》巳經播出咗幾集,觀眾評價都相當正面,而每集由劇中演員嘅旁白結尾,網民都笑言好似大結局咁!而喺今個星期一播出嗰 ...


鄭子誠真係好正呀!


無綫台慶劇《跳躍生命線》巳經播出咗幾集,觀眾評價都相當正面,而每集由劇中演員嘅旁白結尾,網民都笑言好似大結局咁!而喺今個星期一播出嗰集就由「陰謀情人」鄭子誠出口,佢溫柔又磁性嘅聲線,讀出發人深省嘅旁白,網民都大讚佢把靚聲真係冇得輸,好似聽緊收音機咁呀!

經常做開奸角嘅鄭子誠,見親佢出現都覺得有陰謀,但佢今次飾演嚴厲教官,角色十分正氣。呢日See See TVB facebook專頁就上載咗一段由佢配音嘅短片,佢大平反自己唔係「音樂情人」,亦都唔係「陰謀情人」,而係「救護情人」!佢仲提起網民覺得旁白結尾似大結局:「有時候,你以為廿五集嘅戲可以慢慢追,但諗唔到竟然集集都係大結局!」佢仲話自己今次真係冇陰謀,而係正氣凜然:「有時候,你以為我係奸嘅同時,先發現我其實可以好正氣!」成段片鄭子誠把聲都係勁正經,但網民都忍唔住笑!佢仲自封「救護情人」:「我係刑峰,又或者你可以叫我做,救護情人!」喺短片最後,鄭子誠擺出招牌眼神,網民始終都覺得佢真係相當有陰謀,超級爆笑呀!

網民有話兒:

Jxxx Ho: 佢把聲真係一流

Zexxxx Ax: 嘩 最尾個眼神幾咁有陰謀

Sxxxx Fu: 把聲好冧,救護情人,鄭子誠

Juxx Wxx: 把聲真係好靚


來源 source: http://hk.on.cc
鍾意就快D Share啦!