香港所有問題都是土地問題。劉德華說：「我覺得東大嶼人工島方案係比較可取。」反正中華白海豚已死得八八九九，何不倒幾千億落海，填出一個人工島；再用幾千億起橋築路，到時就人人有屋住、社區設施有著落，天下太平云云。然而「民間特首」背後，是過氣特首董建華的「團結香港基金」。配合政府的「土地大辯論」，過去大半年不斷吹奏：填海令香港滿希望。
「啲打」聲太吵耳，令退休老人伍華強深感煩擾，「除非我老人痴呆，以前發生嘅嘢，唔係而家班友咁講㗎喎。」「有人喺鏡頭前大聲疾呼：新界新市鎮全部都係填海得來，點解你哋咁大反應？好耐之前，我做過新市鎮規劃，大埔、粉嶺、上水、將軍澳。明明嗰時係收農地，點會係填海？我聽到好唔舒服囉。」
伍華強七七年加入政府，九九年起出任規劃署助理署長，一二年正式退休，對官僚心態撩如指掌，對特區政府的政治操作卻深感眼冤。高鐵、港珠澳相繼完成，若沒有更大的大白象，怎能淘空財政儲備？「我又俾個benefit of doubt政府。我唔相信佢搞填海係一種勾結。佢唔想面對香港現有的土地被人攏斷、囤積居奇；唔想面對我哋嘅土地資源受到好大破壞。攪唔掂，咪去攪另一種破壞囉。」「填海唔好呀？咁攪郊野公園。公園唔好？又攪呢度攪嗰度。我叫呢個做『破壞環境大競賽』。」「你揸車去新界睇吓就知，唔係冇地，係管理不善。香港，而家人哋笑你管治水平好低啊。」
來源 source: http://nextplus.nextmedia.com
|
鍾意就快D Share啦！
|
|
|
