甜到漏呀！
現年53歲的藝人韋家雄今日與比他年輕近廿年的「銀行之花」女友鄧楚雅（Keynes）結婚，上午家雄與六人兄弟團到酒店接新娘，東網獲得當時姊妹團玩兄弟的絕密片段，見兄弟團只係手執道具花聽指示跳舞，輕易極速過關，然後韋家雄就向匿喺門口的新娘子讀出愛的宣言，終於娶得美人歸。
約十一時半，一對新人與兄弟姊妹團離開酒店出發往男家。家雄與Keynes表現興奮，兩人應記者要求多次咀嘴，甜到漏。兩人坦言前一晚緊張到失眠，家雄說：「全晚冇瞓過，原來真係會緊張到失眠，依家接咗新娘，心情好開心又興奮。」
他透露有做足傳統儀式，又有玩新郎環節，他笑言：「我會記住呢鑊！我哋要跳舞、又要揈波同埋食芥辣，仲要答啲好難嘅問題，都答錯咗啲。（有冇講愛的宣言？）有，我講得好認真，都係嗰三個字，I Love You。」Keynes表示十分滿意，兩人互給對方110分。家雄稱之後會去泰國探太太的親戚兼度蜜月，再去台灣，一直休息至十月尾。
來源 source: http://hk.on.cc
|
鍾意就快D Share啦！
|
|
|
