掃呢頁CODE去手機

2018年10月18日 星期四

【蘋果專訪】Super Girls開睡衣派對 五個女仔︰着睡衣先至係真實嘅自己 __,蘋果,Super Girls,

 攝影︰仇志德
女子組合SuperGirls,五位成員吳嘉熙(Cheronna)、李靜儀(Heidi)、蔡明思(Jessica)、趙慧珊(Aka)和陳穎欣(Yanny ...


女子組合Super Girls,五位成員吳嘉熙(Cheronna)、李靜儀(Heidi)、蔡明思(Jessica)、趙慧珊(Aka)和陳穎欣(Yanny),早前喺觀塘接受《蘋果》專訪,在party room內大玩睡衣閨密派對不特止,還互爆秘密。



最近Super Girls推出新歌《睡衣派對》,她們認為穿睡衣時,是最真實的自己,Cheronna說︰「平時見到我哋,睇到嘅外表係有衣著打扮,喺屋企係最真實嘅自己。」Aka也說︰「着睡衣先至係真實嘅自己。」



講起穿睡衣,Aka忍不住爆姊妹秘密,她說︰「我要爆,(大家問她要爆什麼?)我要爆佢(指住Cheronna),佢係會唔着衫周圍走。」Cheronna反擊謂︰「自己屋企緊係唔着。」Yanny笑道︰「你好似動物,歸於原始,好似狗狗唔着衫。」問她們有否試過裸睡,Aka再爆與Cheronna同房的秘密,Aka說︰「佢係唔着,佢好慷慨,唔吝嗇咁行來行去。」Cheronna反駁說︰「我唔着係畀自己睇,唔尷尬裸睡對身體好,平時着衫已經束縛自己。」至於邊個上圍最勁,大家都認為是Cheronna。



Super Girls五位成員,認識已有7年,合作也6年了,互相十分了解。訪問當天,準備咗一些問題,考驗她們姊妹情。首條問題由Cheronna抽出,問誰經常提起男朋友?此時其餘4人一齊指向男友是夏雨兒子黃奕晨的Cheronna,Cheronna不甘示弱大聲說︰「因為你哋冇男朋友,(仲有提住老爺?)因為你哋都冇。」Jessica接住說︰「佢成日話夏天會落雨,仲有兩個人對話,有BB tone,冇人睇聽得明。」Cheronna此時已沒好氣了。當問到另一條邊個會最快生仔、結婚?Jessica自認說︰「我囉!我ready,不過先要需要個伴先。」



再問到認為邊個最靚女?及邊個最貪靚?她們即搔首弄姿手,不過問題是Jessica抽的,她答︰「梗係自己,(點解咁自信?)有自信嘅女仔先至係最靚。」至於邊個最貪靚,Cheronna即說︰「邊個對自己有要求,(大家齊齊指住Heidi)Heidi囉!佢讀fashion,全身配搭到好靚先出嚟。」Jessica作狀不滿的說︰「頭先明明話我最靚。」



至於最為食又是誰呢?她們異口同聲話︰「Aka。」Yanny說︰「佢好似狗仔偷食。」Jessica插嘴說︰「偷食,食到嘔。」Heidi接住說︰「我哋唔嫌你臭。」Jessica還說︰「我哋叫炸鷄脾食,佢係叫一碗白飯。」五個女仔七咀八舌,吱吱喳喳十分熱鬧。



談到邊個最口密?Yanny說︰「大家都好口密,講畀大家聽嘅嘢,都冇係出面聽到,我哋會互相傾心事,可能同其他人講,未必咁明白。」她們表示相識了7年,相處上總會遇到拗撬,Cheronna說︰「意見不合時會有拗撬,但嗌到面紅耳熱就冇,大家都鍾意講道理。」Aka表示︰「但我哋嗌交,冇啲難聽嘅說話。」最後由似大姐姐嘅Cheronna總結說︰「我哋好似親人咁,開心同唔開心,又經歷冇公司嘅迷惘期,所以係冇其他人可以取締到我哋。」



攝錄︰林德雄、廖達燊

髮型︰Yan Kwok、Calvin Tsoi @ HAiR Salon

場地︰Chill Me Party Room



精選娛聞,喺晒《娛果》

http://fb.com/appledailyent



攝影︰仇志德 Super Girls五個女仔,呢日一齊開睡衣派對。 Super Girls五個女仔,呢日一齊開睡衣派對。
佢哋互爆趣事,笑聲不絕。

佢哋互爆趣事,笑聲不絕。
Heidi被指最貪靚,一定要襯好晒衫先出門口。

Heidi被指最貪靚,一定要襯好晒衫先出門口。
 Yanny話︰「大家都好口密,講畀大家聽嘅嘢,都冇係出面聽到。」

Yanny話︰「大家都好口密,講畀大家聽嘅嘢,都冇係出面聽到。」
Jessica話有自信女仔先至靚。

Jessica話有自信女仔先至靚。
 Aka被取笑大食。

Aka被取笑大食。
同夏雨仔黃奕晨拍拖嘅Cheronna,被佢哋踢爆對住提男友。

同夏雨仔黃奕晨拍拖嘅Cheronna,被佢哋踢爆對住提男友。
 Super Girls五位成員,認識已有7年,合作也6年了,互相十分了解。

Super Girls五位成員,認識已有7年,合作也6年了,互相十分了解。
成班女仔喺party room內大玩睡衣閨密派對。

成班女仔喺party room內大玩睡衣閨密派對。
五個人感情要好,訪問當中不時互相開玩笑。

五個人感情要好,訪問當中不時互相開玩笑。
最近佢哋推出新歌,拍MV時玩到癲。

最近佢哋推出新歌,拍MV時玩到癲。

鍾意就快D Share啦!