掃呢頁CODE去手機

2018年11月8日 星期四

【想做中醫師打算返大陸讀5年書】Regen怕針灸:我係全班最遲落針 __,中國,大陸,張惠雅,Regen,

原來,開餐廳只係Regen第一步,為嘅係穩定收入,可以供自己離港讀書,因為佢真正想做嘅,係一個中醫師。「自己都希望可以完成一直好想讀嘅中醫課程,但係讀 ...




原來,開餐廳只係Regen第一步,為嘅係穩定收入,可以供自己離港讀書,因為佢真正想做嘅,係一個中醫師。

「自己都希望可以完成一直好想讀嘅中醫課程,但係讀中醫需要五年時間,仲要唔喺香港。對我嚟講,如果無一個穩定嘅(收入)環境,我會覺得好唔安全。點解我會報讀中醫呢?純粹因為有次練習半馬拉松,搞到隻腳傷晒,試過一次中醫好work,我就覺得好厲害,就經常會去做針灸。後來有一次我痛得好厲害,醫生又唔得閒幫我針,我就同阿媽講,我真係好想攞支針拮自己,因為嗰個位好痛,阿媽就叫我不如讀啲課程,我就真係開始報讀。最初係報讀針灸,但原來針灸課程都係由中醫基礎讀起。於是開始發掘到我嘅興趣,原來自己好鍾意呢樣嘢,就開始讀咗兩年part time。」

Part time學針灸,Regen係全班最「屎」嗰位。佢解釋:「我記得第一次上堂學針灸,首先要拮自己。我記得自己係全班最遲落針嘅一個,因為我望住自己隻手,真係唔知點樣拮落去,諗咗好耐都拮唔到,最後係個個都拮晒,我覺得無得再拖,然後就一嘢拮落去,嗰一刻發覺無嘢喎,針灸原來其實唔痛,同埋無乜感覺。我開始克服咗之後,成個人相反咗,個個同學都話:『你第一堂明明係最唔敢落針嘅一個,但你而家係最大膽嘅一個。』我係不停咁拮自己。」

同拮自己唔同,拮人哋心理壓力大好多,幸好爸爸係佢嘅最大鼓勵,因為「爸爸肯俾我落針,係一個好大鼓勵。拮自己都無咁驚,拮屋企人仲驚,好驚會拮暈佢哋,咁點算呢?所以爸爸喺我考試前鼓勵我,俾我試吓拮,最初拮一啲好簡單嘅穴位,後期爸爸肯俾我喺肩周炎位置落針之餘,再俾我試吓啲灸法。」

如果Regen之後真係喺廣州讀完5年返嚟,話佢周身刀,仲要張張利,都唔算誇張。

鍾意就快D Share啦!