2018年11月8日 星期四

【吳謹言聶遠再續前緣】延禧班底演出《皓鑭傳》 明玉繼續守護瓔珞 __,聶遠,吳謹言,

《延禧》播完後,唔少劇迷都好唔捨得。不過大家好快又有新目標架喇,事關《延禧》原班人馬如魏瓔珞、乾隆、明玉、高貴妃、舒妃、袁春望、弘晝等人出演嘅《皓鑭傳 ...




《延禧》播完後,唔少劇迷都好唔捨得。不過大家好快又有新目標架喇,事關《延禧》原班人馬如魏瓔珞、乾隆、明玉、高貴妃、舒妃、袁春望、弘晝等人出演嘅《皓鑭傳》,將會喺11月15日播出。

《皓鑭傳》以先秦時期呂不韋同趙姬嘅故事為主,由聶遠擔任呂不韋,吳謹言飾演秦始皇阿媽趙姬,但劇中改叫皓鑭。換言之二人再續《延禧》之緣。

預告中,皓鑭喺趙國備受折磨,不時被勒頸鞭打,導致角色後期黑化。同魏瓔珞一樣,都係個敢愛敢恨,兼聰明到開外掛一樣嘅存在。至於《延禧》中好得觀眾歡心嘅明玉,喺預告雖然見唔到佢身影,但據知佢仍然係瓔珞嘅得力後援,喺《皓鑭傳》扮演高明嘅醫生,繼續守護瓔珞。

另外大家睇預告片時,有無發覺皓鑭嘅配音,同《延禧》爾晴把聲好似呢?應該係同一個配音員都唔定。

距離《皓鑭傳》首播仲有一個星期左右,劇迷們係時候養精蓄銳喇!

鍾意就快D Share啦!