熱爆娛樂: 【被人叫謝仔】同拉姑探訪長者中心四哥聞栢芝生B：冇見佢好耐 _

2018年11月29日星期四

【被人叫謝仔】同拉姑探訪長者中心四哥聞栢芝生B：冇見佢好耐 __,四哥,張栢芝,拉姑,狄波拉,謝賢,

82歲嘅謝賢今日聯同前妻狄波拉喺黃竹坑為《歡樂滿東華2018》探訪長者中心，狄波拉嘅現任老公江耀城亦有同行。

謝賢今日喺長者中心由「四哥」變咗做「謝仔」，謝賢笑言：「佢哋老過我嘛，而且我都嚟過幾次啦。」四哥話覺得長者中心嘅老人家普遍都唔鍾意笑，不過佢就話有個秘訣，就係整粒糖過佢歎咁話。而拉姑表示自己就會稱呼謝賢為四哥：「好開心㗎，全世界見到佢都會笑，佢好識呃呃氹氹。」謝賢聽到之後就笑拉姑老公江耀城：「佢最叻，呃走埋佢（拉姑）。」

講到一直肩負照顧四哥兩個孫仔謝振軒（Lucas）同謝振南（Quintus）重任嘅栢芝今日傳出誕下第三胎嘅消息，前老爺謝賢接受《蘋果》電話訪問表示：「哈哈！生咗BB？我冇見佢好耐，點知佢有冇大肚，你唔好問我啦，OK！」即匆匆收線。

精選娛聞，喺晒《娛果》

http://fb.com/appledailyent

	82歲嘅謝賢今日聯同前妻狄波拉喺黃竹坑探訪長者中心，狄波拉嘅現任老公江耀城亦有同行。	 謝賢今日喺長者中心由「四哥」變咗做「謝仔」
 拉姑話：「全世界見到佢都會笑，佢好識呃呃氹氹。」	 前老爺謝賢接受《蘋果》電話訪問表示：「哈哈！生咗BB？我冇見佢好耐。」