掃呢頁CODE去手機

2018年11月29日 星期四

【獨家.揭爸爸身份】傳張栢芝與新加坡富豪誕男嬰 __,張栢芝,

38歲張栢芝同謝霆鋒生咗2個仔Lucas同Quintus,2011年兩人離婚後,兩個仔由栢芝撫養,單身後嘅栢芝經常傳出新戀情,但冇一個會開花結果,但今 ...


38歲張栢芝同謝霆鋒生咗2個仔Lucas同Quintus,2011年兩人離婚後,兩個仔由栢芝撫養,單身後嘅栢芝經常傳出新戀情,但冇一個會開花結果,但今年3月驚聞佢結識咗個年近60歲新加坡富豪,感情相當好,佢媽咪同弟弟張豪龍都好接受栢芝呢個新男友,有勸佢快啲公佈戀情。而今日有傳栢芝喺養和生咗第三胎,都係仔,傳經手人同爸爸就係呢位新加坡富豪。

相關新聞:【獨家】傳張栢芝養和生B 前夫霆鋒笑住說:唔答喇



據可靠消息話孩子爸爸係新加坡連鎖飲食集團股東,其中仲有一間上市企業,身家雄厚。喺今年栢芝經常出入新加坡就係為咗同男友約會,有次佢帶男友去一個私人會所,咁啱嗰晚霆鋒都喺度,為免尷尬,栢芝後來帶男友換咗另一個地方。其實栢芝媽媽好幾個月前亮相節目時,佢提到栢芝新戀情,佢親口爆個女嘅男友係「一位65歲嘅新加坡富豪」,雖然年齡大栢芝27歲,但好會照顧人。



今年3月初栢芝喺IG罕有貼出有男伴嘅游泳相。另外,佢今年2月底曾喺IG話過:「2018年之前必定要生出個BB來,This is my goal!」計番日子可能當時已經有咗,而發文後有網友問佢另一半是誰,當時佢同網民chitchat就回答:「圈外人不可以嗎!」

相關新聞:【被人叫謝仔】同拉姑探訪長者中心 四哥聞栢芝生B:冇見佢好耐



栢芝同霆鋒分開後,其實都拍過唔少拖,好似同老外、大陸富豪孫東海、台灣主持何孟懷等都傳過緋聞,但好似都冇乜好結果,依家佢終於搵到真愛,仲肯為佢生小朋友,咁應該感情好好,之前栢芝情路崎嶇,希望佢以後可以真正幸福啦。



精選娛聞,喺晒《娛果》

http://fb.com/appledailyent



同老外都有傳過緋聞 同老外都有傳過緋聞
 同老外又有合照

同老外又有合照
 仲係老外合照

仲係老外合照
 多咗小朋友,但都仲有老外

多咗小朋友,但都仲有老外
 又有同大陸富豪孫東海傳過緋聞

又有同大陸富豪孫東海傳過緋聞
栢芝呢張相話愛低調, 唔知呢個背影係邊個呢?

栢芝呢張相話愛低調, 唔知呢個背影係邊個呢?
 同台灣主持何孟懷等都傳過緋聞

同台灣主持何孟懷等都傳過緋聞

鍾意就快D Share啦!