武打演員伍允龍（Philip）於無綫新劇《兄弟》演於廟街長大的香港警察，劇中不時開金口唱口水歌，鏡頭前看似從容，但成長於美國的他，面對香港地道事宜確實認識不深，自嘲連中文也僅屬「有限公司」，於處理對白及語氣問題時甚感難度。
畀廣東話對白考起
當中一場與楊明的車廂對手戲，內裏涉及很多人名，足令Philip大叫救命，他謂：「唔知點解拍無綫劇啲人物名好難講，嗰場查案戲不停講人名，真係想話可唔可以配音，不過有挑戰都開心，好在最後都戰勝到，都要多謝拍檔們好包容，我NG幾多都唔會畀壓力。」
自願「OT」做武指
雖然對白戲份難到他，但當面對動作戲份時，Philip則信心大增，化身武指糾正演員們動作，即使沒有自己戲份，也不介意專程到場，故演員們之間很快便建立信任及默契，他謂:「佢哋有時會要求我幫手，我真係冇所謂，Make sure佢哋姿態係啱（班女仔邊個喺打方面有天分？）朱晨麗有舞蹈底，好快上手，記得英國外景時，同佢一cut機就影好多相，佢跳高一字馬，我又跳起飛腳，好合拍幾過癮，佢真係舞蹈高手，擺甫士動作難唔到佢。」
同劉穎璇勁夾
對於首度拍劇的劉穎璇（Tiffany），Philip指當初認識對方時僅18歲，於其心中是一個小妹妹，估不到對方首部劇集便有機會合作，更指雙方同是美國回流，故有不少共同話題:「我都做過新人，佢一嚟就做主角，不過佢又乖又聰明，大家想幫佢，記得劇入面佢仲要做我教練，咁喺菲律賓唔使開工時，都會番喺酒店慢慢教佢，等佢出拳力度要似打得嘅，相反有一場戲講我三兄弟打籃球，但呢方面我好弱，Tiffany同許家傑呢啲高手就掉轉指導番我。」
服裝:Chevignon
攝影:吳文聰
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|
