掃呢頁CODE去手機

2018年11月7日 星期三

蕭芳芳:蕭芳芳三年內兩度訂婚 其中一個係老外! __,蕭芳芳,

咁爆!?影后蕭芳芳與林奕華及羅永聰主持節目《大學問》,蕭芳芳坦承過往的感情生活令自己學到最多,更自爆大學時期三年內兩度訂婚,其中一位是大男人主義的中國 ...


咁爆!?


影后蕭芳芳與林奕華及羅永聰主持節目《大學問》,蕭芳芳坦承過往的感情生活令自己學到最多,更自爆大學時期三年內兩度訂婚,其中一位是大男人主義的中國人,而另一位就是外國人,令全場嘩然。她指後來婚約取消:「詳情就唔講啦,但結束了愛情,復活了生命。」

自嘲係木乃伊

問到哪一套是代表作?她表示未拍,若日後聽覺好轉才會再拍片,而目前她最喜愛的是自己飾演盲人的《窗》,認為在這片最能投入角色的精神狀態,而大會隨即播出她和謝賢演出的片段。談到其經典角色林亞珍,她笑言現在已成林老珍,更即場搽潤手霜:「木乃伊要潤吓!其實呢個角色唔係好有系統咁創作,只係我咁啱見到個冬菇頭假髮同粗框眼鏡就買咗,然後叫服裝部同事攞件大碼衫畀我,點知佢哋拎咗梁醒波件衫,梁醒波在天之靈都保祐我拍喜劇!」

勁佩服周星馳

至於當年與周星馳拍《漫畫威龍》,蕭芳芳自言做好功課,但遠不及對方:「佢係最用功、用心嗰個,喺片場唔講嘢,淨係諗點有最好嘅效果。」她當年親到戲院看觀眾的反應,本來以為笑位在自己身上,但原來對方更厲害:「佢好叻,我好服佢,佢每一秒都諗點樣更精進。就算要我等佢一個鐘都抵,我仲對佢好客氣。」


來源 source: http://hk.on.cc
鍾意就快D Share啦!