蕭芳芳今日去到香港大學接受香港電台節目《大學問：70+1》蕭芳芳錄影訪問，今次係佢雙耳失聰之後，首次接受呢類形訪問。
會上全場爆滿，席上芳芳姐不失幽默，講到13歲時，英文補習老師幫自己寫信、申請英國皇家戲劇藝術學院，不過畀人拒絕咗。
第一次入學夢碎，到15歲那年，母親叫芳芳姐到星馬登台，不過完成之後都係發覺學費唔夠，第二次夢碎。
到儲夠學費之後，只係得三個人支持佢留學，芳芳姐說：「其中一個反對嘅，係我初戀情人，仲同佢反埋面。去到美國準備返學時，媽咪打電話嚟話『同人合作做生意，畀人呃咗啲錢。』媽咪話想我寄啲學費畀佢，當期時睇住一步之遙嘅夢想，係面前崩裂咗，覺得好辛苦。」
當時喺唐人街，有一位好出名嘅名伶，叫八叔譚秉庸，就同芳芳姐講，唔使驚，有八叔喺度，仲幫佢交學費，實現讀大學嘅夢想。
講到呢度，芳芳姐已經忍唔住喊，一度哽咽，要暫停講座，司儀還貼心地為她遞上紙巾。
芳芳姐赴美之前，臨上機前，母親贈佢一句：「美國小朋友出門口時，媽咪會派避孕套畀小朋友。」芳芳姐話：「當時長輩唔會講得咁明，其實媽咪想話性教育，避孕套嘅嘢諗都唔好諗，唔好亂嚟。」
不過當去到美國之後，芳芳姐話感覺好自由，仲爆料話：「試過同同學食迷幻丸，不過自己冇反應。」
講座後芳芳姐受訪，談到今晚爆咗好多料，佢就笑：「咁啱啦，你哋大把嘢寫啦。」咁初戀情人係咪四哥謝賢？「呢個我就唔答得喇，你哋自己估啦。你哋求其寫啦。」至於最愛的作品，就是《窗》，飾演一個失明人士，與四哥做對手戲。代表作呢？芳芳姐謙稱：「因為仲未拍到，所以仲未有。如果我隻耳仔好番，我會再拍。」
席上芳芳姐提到八叔譚秉庸對其一生有重大影響，感觸不已，她稱：「八叔係一個德高望重嘅名伶，比仙姐（白雪仙）任姐（任劍輝）仲要早一輩。當年佢借學費俾我之後，後來還番俾佢，佢都有收番。喺美國嗰段日子，佢好照顧我，有次登台，有啲黑社會喺戲院攞晒我啲相，八叔知道之後即刻搵人出嚟傾，第二日啲相就返番嚟，黐番晒上去。」雖然今次講座十分成功，但芳芳姐表示唔會再搞喇，因為太攰喇。
|
鍾意就快D Share啦！
|
|
|