網民讚有創意。
無綫熱播劇《跳躍生命線》尋晚終於都完結，之前預告張曦雯同馬德鐘決定喺埋一齊，點知就發生意外，張曦雯畀車撞低，喺醫院又見馬德鐘喊到死死吓，唔同佢真係天煞孤星入命，死完老婆李佳芯又要死埋張曦雯？
正當大家都以為呢套又玩Sad Ending時，結局係已經心臟停止跳動嘅張曦雯，因為「拉撒路症候群」（文尾有解釋）再次重生大團圓結局！除咗佢哋之外，何廣沛同劉沛玥、羅天宇同陳瀅、歐瑞偉同張文慈，仲有李成昌同謝雪心都可以雙雙對對咁係埋一齊，網民睇完留言話呢套劇死得人多好沉重，有個Happy Ending可以中和番。
而張國強演嘅角色「魯賓遜」，失咗憶兼攞住部相機周圍影嘢究竟有乜用意呢？原來係佢最後有番記憶，用佢影嘅相去交待番眾人嘅經歷，網民話呢個手法都算創新，大讚呢套劇係誠意之作。而最後彩蛋位，見到《愛．回家開心速遞》嘅「Terry」李偉健亂入，仲咁啱去咗同一間救護站做咗歐瑞偉下屬，有網民搞笑話李偉健會唔會「Terry」上身喺《跳》劇入面叫歐瑞偉做「舅父」呢？
拉撒路症候群（Lazarus syndrome）是指在心肺復甦失敗之後人體循環系統自發地恢復運作。其主要原因是在心肺復甦過程中胸腔內累積了壓力，在心肺復甦結束後這些壓力的釋放導致心臟的擴張，從竇房結出來的電脈衝觸發了心臟的跳動。現時醫學文獻中至少有50次記載。
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
