真係女大十八變！
無綫劇《親親我好媽 》播完好耐喇！但劇中一眾演員都會不時聚會，今日藝人黃智賢就上載嚴家的「全家福」，原來前幾次黃智賢都因為工作太忙冇參加聚會，令佢個家少咗個「爸爸」，今日終於齊人喇，佢仲好有心咁將三年前嘅全家福，同今次嘅全家福對比，見飾演小茜瑜（江嘉敏童年）愈大愈靚女，而14歲的熊子逸已經散發少女味，生得亭亭玉立。唯一冇乜點變就係江美儀、江嘉敏同黃智賢，因為已經「大定咗」黃智賢留言話：「嚴家三年前 三年後...❤️ #親親我好媽 #團年飯 妳們都亭亭玉立了。」
身世悲慘的熊子逸近年去咗新世蘭讀書，剛剛回港放新年假的她，喺香港街頭自拍多張靚相放上社交網，連後巷都成為佢嘅取景地，發揮得淋漓盡致，難怪成為新一代網紅啦，佢個ig有成17,500位追蹤者！
來源 source: http://hk.on.cc
|
鍾意就快D Share啦！
|
|
|
