由亞視過檔無綫嘅「煒哥」陳煒，近年喺無綫密密拍劇，今年終於憑《宮心計2深宮計》飾演個性毒辣嘅太平公主，成為「視后」大熱之一。而佢最大嘅競爭對手，就係憑《三個女人一個「因」》攞咗新加坡同馬來西亞視后嘅黃智雯，仲有受歡迎劇集《BB來了》嘅李佳芯。
但要測試人氣，最佳方法就係去人多地方，睇下市民嘅反應係點？！
日前煒哥喺中環出席活動後，返屋企換件衫就去咗旺角街市買餸。估唔到呢位準視后咁貼地，拎住一個環保袋走入街市，唔少街坊都認得煒哥，同佢打招呼兼要求影合照，煒哥亦有求必應。
當日下午5時許，煒哥由助手揸車去到旺角街市，佢好滋陰，先入一間荳品廠嘆碗豆腐花。煒哥似乎係街市常客，唔少檔主都認得佢，尤其去到海鮮檔特別受歡迎，4、5個大男人圍住煒哥，不停讚佢靚，又話支持佢攞視后，o氹到煒哥笑咪咪。煒哥最後買咗龍蝦同貴妃蚌，但檔主額外送蜆，就連隔籬檔老闆都免費送蝴蝶蚌同海螺，搞到煒哥勁唔好意思，推搪幾次，最後都係收咗，滿載而歸。之後煒哥再去買菜、醬油同臘味，見佢好細心睇吓食物係咪新鮮同正貨先會出手買，真係一位精明「師奶」，約一小時後，煒哥就行返上七人車，由助手接載返家。
煒哥接受傳媒訪問時直言街坊好熱情，佢話﹕「我通常都會買定啲餸返屋企慢慢煮，咁啱嗰日有朋友嚟食飯，就買咗少少海鮮，佢哋送咗好多嘢畀我，真係好多謝。」問到有冇信心攞視后？煒哥話﹕「每次去到多人嘅地方，遇到有人話鍾意睇我，話支持我攞視后，聽到呢啲說話係好鼓舞嘅，拍戲咁辛苦，真係好需要聽到呢啲支持嘅聲音，寧舍加強自己信心。」
煒哥向來賢淑，但2012年與台灣商人顏志行離婚後鮮有緋聞，想唔想再拍拖？煒哥坦白話﹕「當然想多個伴，有人分憂，但暫時未有呢個緣份。」
精選娛聞，喺晒《娛果》
http://fb.com/appledailyent
【孫鵬借尿遁睇仔】孫安佐無表情抵達台灣 狄鶯衝破人群接子
https://bit.ly/2zSkfbP
【丁蟹五父子團聚】開拍《大時代》電影版？ 吳啟明：到時先算
https://bit.ly/2QJUlk4
【馬尼拉直擊】「水行俠」積遜大讚Marvel隊長 安芭自嘲戰衣似避孕套
https://bit.ly/2RQ5vB3
【稅務風波】年底前要完成補稅 傳楊冪黃曉明補交5億稅款
https://bit.ly/2PwyDLy
【韓流】朱智勛 韓智敏封韓國電影製作人協會影帝影后
https://bit.ly/2UChALS
|
鍾意就快D Share啦！
|
|
|
