掃呢頁CODE去手機

2018年12月12日 星期三

【中環寸嘴】嘆全港最貴蛇羹 慎防食到流鼻血兼飽暖施淫欲 __,流鼻血,

【中環寸嘴】嘆全港最貴蛇羹慎防食到流鼻血兼飽暖施淫欲為咗呢篇專欄,我都算嘔心瀝血,試云全港高級「竇」嘅蛇羹,包括半島嘉麟樓,軟庫飯堂咁啦。聽啲食肆揸拂 ...


  • 【中環寸嘴】嘆全港最貴蛇羹 慎防食到流鼻血兼飽暖施淫欲


  • 為咗呢篇專欄, 我都算嘔心瀝血, 試云全港高級「竇」嘅蛇 羹,包括半島嘉麟樓,軟庫飯堂咁啦。 聽啲食肆揸拂人講, 祖國唔夠蛇,要由泰國入口急凍蛇肉, 唔喺呀嘛,好多公司 都大把「死蛇爛鱔」,冇蛇!

    講多無謂,一落飛機第一餐就 要去家全七福打咭,試吓全港 最貴嘅蛇羹 ,一碗賣 $900,計埋加一,成千銀一碗㗎! 嘩 ,果然有料到, 佢哋連啲蛇骨都唔好嘥,隊埋落去餚湯底, 不過我只係敢食一羹咋, 剩低嗰啲俾個寒底老友補補身,事關食一羮已成身暖晒, 免得飽暖思淫慾。嘻嘻!

    我同七福嘅大家姐阿文講, 試過佢哋對家 「國福樓」 嘅蛇 羹, 都要八嚿水 一碗呀, 招積得佢話 : 「咁平嘅!」年年請客食蛇羹嘅恒生銀行,有個經理同我講, 由11月中到農曆年 ,晏晝同埋夜晚餐餐陪客去恒生頂樓食蛇羹 ,真係食到流鼻血呀! 所以見佢嗰時,佢唔食蛇羮,飲碗例湯咋!真係櫈佢可憐!

    【蛇羮各有千秋,唔服嘅話就自己去試】

    軟庫飯堂 :「切絲有刀功 ,叫價貴過舊舖; 無計,名人排隊嚟新架步試,唔憂做!」

    老巴刹: 「其藥膳蛇羮,比較冷門,食完補上加補。 」

    半島嘉麟樓 :「自從沙士過後,鬼佬管理嘅酒店都冇蛇羮食,半島為咗箍住啲食饕,原訂十二月推出,我就率先俾錢試食, 建議要加返啲色水, 顏色清咗啲。」

    恆生銀行頂樓:「大眾化咗啲。 」

    家全七福: 「有料到,一食就知用蛇骨淆湯。」

    温馨提示: 啲平價蛇羹,猛落白胡椒,搞到成口㷫,咪以為好嘢!

    十月已去軟庫飯堂試佢蛇羮啦,搬去上環後,厨房日曆檔期都book到滿晒!

    半島嘉麟樓未推蛇羮前,我率先幫襯試食,個廚雖然怕醜都出嚟同我打招呼。



    鍾意就快D Share啦!