熱爆娛樂: 【預產期就到】倒數囡囡出世祖藍亞男晒大肚寫真 _

2018年12月12日星期三

王祖藍同李亞男結婚3年，一直努力造人，直到今年7月先宣佈造人成功(相關新聞： https://bit.ly/2oLbydj )，預產期應該係明年農曆新年前後。

李亞男8月出席活動時曾透露陀B「過咗4個月」，仲話驚如果係B女會似爸爸，結果今胎亞男真係陀女，早前亞男同祖藍喺網上晒超聲波相，B女輪廓都已經相當清晰，正如好多網民留言所講「好似爸爸」、「感覺上爸爸的基因比較強」，睇怕走失咗都唔怕搵唔番。（相關新聞： http://bit.ly/2TFOomR ）

今日，亞男與祖藍喺網上再晒大肚寫真，話晒都係第一次，影番輯相留念都合情合理嘅。呢輯相除咗祖藍同大肚影之外，李亞男點可以同自己個肚合照呢？原來，同李亞男合照嘅係祖藍個肚腩，兩公婆個肚一樣大，難怪亞男喺微博都要講一句：「爸爸的肚子好神奇。」

精選娛聞，喺晒《娛果》

http://fb.com/appledailyent

（微博圖片）	王祖藍同李亞男結婚3年，一直努力造人（微博圖片）	 直到今年7月宣佈造人成功，預產期應該去明年農曆新年前後。（微博圖片）
 今胎亞男陀女，早前亞男同祖藍喺網上晒超聲波相，B女輪廓都已經相當清晰。（微博圖片）	 今日，亞男與祖藍喺網上再晒大肚寫真（微博圖片）	 呢個肚係亞男嘅（微博圖片）
 呢個肚係祖藍嘅（微博圖片）