掃呢頁CODE去手機

2018年12月12日 星期三

【新 反派專業戶】面目可憎到連張衛健都讚 Eddie:我做好人無說服力 __,Eddie,張衛健,

好多觀眾睇《大帥哥》係因為張衛健,但睇睇下就會發現劇中其他角色,其實都幾搶眼,例如早幾集已經賣鹹鴨蛋嘅麥先根(Eddie彭懷安)。麥先根初初出場無耐, ...




好多觀眾睇《大帥哥》係因為張衛健,但睇睇下就會發現劇中其他角色,其實都幾搶眼,例如早幾集已經賣鹹鴨蛋嘅麥先根(Eddie彭懷安)。

麥先根初初出場無耐,好多觀眾已經話佢面目可憎,話Eddie真係一副壞人嘴臉。誠言,Eddie喺TVB飾演嘅角色,多數係反派。至於原因,佢話:「可能我比較惡形惡相,又成日戴住副太陽眼鏡,搵我做好人都無咩說服力。」

有人唔鍾意被定型演死某一種角色,但Eddie對於一直演奸角,睇法好正面:「我覺得係開心嘅,起碼劇組、監製繼續俾機會我去做呢個衰人,我都好希望做衰人可以做到好似大傻哥咁。奠定咗『做衰人搵Eddie啦』,我希望係咁樣嘅。」

講真,Eddie演衰人唔差,連張衛健都有讚:「Dicky哥會send message俾我,佢話睇完3、4、5集,有讚我做得好,佢叫我俾心機。我聽完佢呢段message覺得好開心,如果有啲咩角色需要去研究,佢好樂意幫我睇睇。我幾開心呀咁樣!」

都係嗰句,做得好總會有人睇到。

鍾意就快D Share啦!