熱爆娛樂: 【爆相爆片】全球得500架郭富城花750萬買超跑 _

2018年12月9日星期日

最近染咗一頭金髮嘅郭富城，日前出席完慈善活動後，即趕住返屋企，唔通掛住老婆同囡囡？可能係，但亦可能唔係，因為佢為咗件新玩意。向來出名愛車嘅城城，先後收藏過多部限量版名車，架架車都動輒幾百萬，甚至過千萬。本月1日，佢出席完活動後，即趕返屋企，原來有件新玩意等緊佢。

讀者陳先生透過《蘋果》爆相爆片表示，當日下午約4點左右，陳先生坐車經過城城位於大坑道嘅屋苑時，見到屋苑外有一部大型貨車，正卸下一架黑色超級跑車，陳先生話︰「我坐車經過見到架大貨車停咗喺行人路上，留意到落緊架黑色跑車，戴住帽嘅城城，企喺度全程睇住架車落地，之後仲影相。」

陳先生表示因為架跑車落地時好高調，所以先留意到，陳先生話︰「架貨車停喺行人路上，經過一定見到，好高調。」睇番陳先生拍嘅相同片，睇到穿藍色衛衣，孭住背囊同戴住帽嘅城城，全神貫注睇住部車，仲同身旁嘅外籍人士好好傾，之後城城仲用電話影架車落地嘅情況。

據了解，城城呢架新車係限量版超跑，全球只有500架，仲係以已故車神冼拿嚟命名，價錢方面當然唔平，大約要750萬港幣，成層中價樓嘅價錢。

精選娛聞，喺晒《娛果》

http://fb.com/appledailyent

【編輯推介】

【男女通殺】新垣結衣力壓有村架純當選理想女友

http://bit.ly/2L7GxLa

【江嘉敏唔畀男友探班】大台要求棄胡㻗保前途劉穎鏇：唔會減少見面

http://bit.ly/2B0NjgV

【全身相曝光！】栢芝「產後」面圓肚凸帶Quintus玩攤位遊戲

http://bit.ly/2BXazho

【淑梅姐嫁女】港台DJ車淑梅女婿喺商台節目求婚成功新任岳母：豈有此理！

http://bit.ly/2SyxZ2c

【飛虎都受傷】黃宗澤拍戲意外跌斷腳鑲兩鋼釘固定傷口

http://bit.ly/2zRupt7

城城又買新車。	一頭金髮嘅城城，當日出席活動。（資料圖片）	 城城睇住架車從貨車卸落地。（讀者陳先生提供圖片）
 城城同外籍人士邊睇邊傾。（讀者陳先生提供圖片）	 （讀者陳先生提供圖片）	 城城攞住電話影架新車。（讀者陳先生提供圖片）
 讀者陳先生話當時架跑車落地時，都幾高調。（讀者陳先生提供圖片）	 呢架跑車，車價要成750萬。