曾志偉個仔曾國祥,喺13年同有份拍爸爸監製嘅無綫劇集《女人俱樂部》嘅小花王敏奕撻着,劇中王敏奕演嫩版李麗珍而為觀眾認識。王敏奕同曾國祥拍拖未夠半年,就已經融入曾國祥家中,除咗深得未來老爺歡心外,仲同埋曾國祥同居,經常畀傳媒影到佢哋出雙入對。
兩人拍拖4年幾,雖然日前突然走咗個火炭麗琪出嚟,喺Ig度爆粗喪鬧王敏奕,之後仲要走去曾國祥個Ig留言(新聞連結: https://bit.ly/2raGDs4 ),不過都冇損佢哋兩個嘅感情。
日前《蘋果》又影到佢哋孖公仔去超市買餸,當日下午3點,曾國祥同女友王敏奕帶住黑超去中環超市,星味甚濃。兩人入超市買咗一堆蔬菜之後就一齊揀扒,見曾國祥揀扒期間不時手指指,似乎買乜都要問女友意見。喺曾國祥買扒期間,王敏奕就急步去揀醬料,兩人分工合作好有默契。之後曾國祥同女友之後排隊畀錢,前後20分鐘買完,睇佢哋買嘅份量,應該兩個人買餸返屋企玩煮飯仔。
精選娛聞,喺晒《娛果》
http://fb.com/appledailyent
曾國祥同女友王敏奕日前到超市買餸。(圖左:攝影:徐錦池/圖右:資料圖片) | 兩個人先揀蔬菜。 | |
| | |
鍾意就快D Share啦!
|
|