掃呢頁CODE去手機

2018年12月19日 星期三

【甜到漏嘅笑容】郭富城終於認老婆方媛再陀B:係最好嘅聖誕同新年禮物 __,方媛,郭富城,

攝影:盧妹
郭富城今日為「第43屆香港國際電影節」拍宣傳海報,一直有傳去年9月為城城生咗囡囡Chantelle嘅方媛(Moka)再度懷孕,但城城連月都未有回應傳聞 ...


郭富城今日為「第43屆香港國際電影節」拍宣傳海報,一直有傳去年9月為城城生咗囡囡Chantelle嘅方媛(Moka)再度懷孕,但城城連月都未有回應傳聞係真係假,直至今日終於證實老婆Moka陀緊BB,但未知BB性別。



城城今日接受傳媒訪問,提到之前拍咗4部電影,出年都會休息,被問到係咪要抽多啲時間陪屋企人嘅時候,之前一直唔肯正面回應老婆係唔係「有喜」嘅佢,忽然自爆:「要呀!太太要生BB吖嘛!」城城又話,因為係開心事,而且就嚟聖誕,所以想同大家分享,而且收到好多祝福,又知道大家好關注。



問城城係咪已經知道老婆陀囝囝定囡囡未?佢就話未知道,因為冇去驗,然後又講笑話:「我之前都叫大家留意我太太個肚啦,你哋下次見到佢,就讓張凳畀佢坐吓喇!」



心情大靚嘅城城,今日全程笑得好開心,問到囡囡知唔知道好快有細佬或者妹妹,佢就話囡囡見到媽咪個肚不停大,都會呵吓錫吓。城城又話生男生女都冇所謂:「男女都係上天嘅恩賜,係好好嘅聖誕同新年禮物。」



再問城城Moka會唔會陀Twins?佢即刻好大反應咁話:「唔係咁誇呀!」至於會否陪老婆入產房,城城就講番上次老婆生囡囡時,佢本來喺開平拍緊戲,佢就即刻趕返香港,然後話:「明年上半年我都係做巡唱,會易就啲。」當記者話BB要出嚟就出嚟,城城就笑住話:「我知,我有晒心理準備,大家放心!」



精選娛聞,喺晒《娛果》

http://fb.com/appledailyent



攝影:盧妹 城城之前一直唔肯正面回應老婆係唔係「有喜」 城城之前一直唔肯正面回應老婆係唔係「有喜」
今日忽然自爆:「太太要生BB!」

今日忽然自爆:「太太要生BB!」
問城城係咪已經知道老婆陀囝囝定囡囡未?佢就話未知道,因為冇去驗。

問城城係咪已經知道老婆陀囝囝定囡囡未?佢就話未知道,因為冇去驗。

鍾意就快D Share啦!