掃呢頁CODE去手機

2018年12月5日 星期三

【爆相爆片】黑白雙煞現身油麻地 卓林孖老婆踎街食班戟 __,吳卓林,吳綺莉,爆相爆片,

(讀者提供相片)
吳綺莉嘅19歲獨女吳卓林半年前離家出走,孖31歲加拿大籍女友Andi到加國尋生父成龍,上月底兩人終於肯返港,卓林更在社交網高調晒結婚證書,強調Andi ...


吳綺莉嘅19歲獨女吳卓林半年前離家出走,孖31歲加拿大籍女友Andi到加國尋生父成龍,上月底兩人終於肯返港,卓林更在社交網高調晒結婚證書,強調Andi已經係佢嘅合法同性妻子,兩人於11月8日在加國註冊(新聞連結: https://bit.ly/2TKh5iB )。前晚佢哋拍拖現身油麻地,被讀者周先生透過「爆相爆片」分享,卓林同Andi踎街食甜品,sweet到漏。



前晚周先生接受《蘋果》電話訪問表示:「大約10點3喺油麻地嘅甜品店,我排緊隊嘅時候見到佢哋出現,聽到卓林話嚟搵老闆阿Ray,店員話老闆唔喺度,幫佢哋打電話畀老闆,跟住又問卓林可唔可以喺甜品店前面影相,卓林話第二日再嚟先影,店員就畀咗張卡片佢,之後佢哋喺度等班戟其間,見到兩人交換食一支煙,卓林食咗幾啖就遞支煙畀老婆。」



從讀者提供相片所見,卓林同Andi以黑白雙煞look出現,兩人着埋白色情侶鞋襯到絕,唔知係咪喺加國其間曾流落街頭冇啖好食,兩個嘅身形都好瘦削!佢哋攞完甜品同兩杯嘢飲,就企喺街邊玩碰杯,跟住更踎街食班戟,用連帽衛衣笠頭,旁若無人好sweet。



呢間甜品店開業1年多,老闆係唱《寒冰掌》嘅前組合VRF成員李安(Ray),阿Ray已經離開娛樂圈多年,應該唔識卓林或吳綺莉,點解卓林會去甜品店搵佢呢?噚日阿Ray接受《蘋果》電話訪問表示:「我唔認識卓林㗎,同事有打電話畀我,話佢落咗嚟搵我,自己都唔知點解,不過因為我哋有一位共同朋友,所以我都叫同事請佢食班戟。」



精選娛聞,喺晒《娛果》

http://fb.com/appledailyent



(讀者提供相片) 卓林同Andi喺油麻地踎街食甜品(讀者提供相片) 卓林同Andi喺油麻地踎街食甜品(讀者提供相片)
兩人着情侶鞋(讀者提供相片)

兩人着情侶鞋(讀者提供相片)
卓林到甜品店搵老闆(讀者提供相片)

卓林到甜品店搵老闆(讀者提供相片)

鍾意就快D Share啦!