藝人薛家燕的一連兩場紅館處女騷「薛家燕愛你無限60年演唱會」今日開鑼！去到個唱尾段，家燕的三個寶貝仔女驚喜現身答謝媽媽養育之恩，是整晚最為「有洋蔥」部分！三人上台前先有一條片段記載多年來的回憶，片中大讚家燕是位女超人媽媽、是他們的驕傲。
仔女全力支持
隨後阿仔石耀庭捧住鮮花登場，身穿晚裝的大女石祐珊及細女石耀珠於兩邊上台，眾人合唱《You Raise Me Up》搞到家燕眼濕濕，阿仔見狀立即拎出紙巾，讓細妹幫忙擦淚，他們表示多謝觀眾一直以來的支持，又指媽媽為今次個唱勤力練習，為了用最佳狀態表演，希望觀眾拍手鼓勵她，說畢便落台。
感言勁催淚
期後家燕不禁哽咽指一見到仔女出場就已經好感動，更大爆身邊有人曾話三個小朋友是包袱，但對於她來說卻是推動力，令自己做每一分一秒都是值得，又慨嘆已經把他們湊大，今次開騷仔女都好支持自己，大女珊珊甚至有份統籌：「佢花咗好多時間，大家喺網度見到我話要舉行選婿大會，其實我都係借一個廣告提吓佢，要留意自己識男朋友，都有好多人嚟參加，但我因為做演唱會冇時間去揀！」續講到自己復出後都由朝做到晚，每日只睡4小時，都有人問我：「你唔辛苦咩？唔攰咩？但我話畀大家聽我唔係唔知攰，而係唔可以攰，為咗達到自己可以做到個有責任嘅媽媽⋯」說到此時家燕接不下去，由觀眾的掌聲填補空間，然後她接話：「做嘢都畀我動力，爭取每分每秒。」投放「催淚彈」非常感人！
Encore環節，家燕換上銀色Bling Bling斗篷配入面鮮綠色裙與福祿壽三人合唱《熱情的沙漠》，更邀排舞師Sunny Wong及王梓軒上台教全場跳經典十字步，唱出《Captain Nancy》，最後以名曲《皆大歡喜》為首場演唱會畫上完美句號，於11時42分完場。
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|
