掃呢頁CODE去手機

2018年12月5日 星期三

【男人經常犯嘅錯】大陸Fans爆上床後成孕 黃子恆堅持有戴套 __,中國,大陸,黃子恆,

黃子恆再爆負面新聞,有fans話陀住佢BB。(網上圖片)
36歲黃子恆前年與當時同林恩浩仍然係夫妻嘅裕美爆婚外情(新聞連結:https://bit.ly/2zLzx1T),洗底兩年半,最近仲有機會喺大台嘅台慶 ...


36歲黃子恆前年與當時同林恩浩仍然係夫妻嘅裕美爆婚外情(新聞連結: https://bit.ly/2zLzx1T ),洗底兩年半,最近仲有機會喺大台嘅台慶劇《是咁的,法官閣下》做律師,而且戲份一啲都唔少。即係咁,廣告都話要畀更生人仕一個機會啦,過去兩年幾大台畀黃子恆嘅機會似乎都唔少,至少一直keep住有工開,估唔到嚟到2018年年尾,佢又有負面新聞爆出,睇嚟今次神仙都難救喇!

相關新聞:【蘋聞重溫】李潤庭背空姐妻偷食再偷食 從未斬纜一鋪清袋



今日有報道指,一名自稱叫Michelle嘅大陸女fans爆料,指去年4月30日喺廣州嘅fans聚會認識黃子恆後,因為有禮物要送予對方,最後兩人相約喺深圳一個酒店式住宅見面,就喺呢次見面期間兩人發生性行為。



Michelle受訪時仲話,兩人發生關係後,黃子恆就失蹤,足足半年冇搵佢,令佢相當傷心,直到今年1月兩人先再見面,7月份仲再一次發生關係,o依家佢有咗四個月BB。此外,仲有一段疑似係黃子恆向人道歉嘅聲帶流出,當中包括一段講普通話、一段講廣東話,主要提及嘅內容都係同對方講對唔住,又話傷害咗對方,同埋唔知點面對對方咁。



事後黃子恆接受傳媒訪問,承認同呢個女fans的確發生過關係,但就堅稱只係一次,而且有做足安全措施,講到女fans表示目前懷孕,佢就堅決否認同自己有關,仲話唔介意驗DNA,同埋可以查佢出境紀錄。



據知,黃子恆有意於日內舉行記者會,證明自己年中拍罷《包青天再起風雲》就未返過大陸,而佢今日仍然要為劇集《機場特警》開工,所以高層仲未有機會召見佢,今日傳媒都有再聯絡黃子恆,但佢就「潛水」冇聽電話。



精選娛聞,喺晒《娛果》

http://fb.com/appledailyent



白衫長髮女就係爆出同黃子恆有性關係嘅Michelle。 (網上圖片) 白衫長髮女就係爆出同黃子恆有性關係嘅Michelle。 (網上圖片)
 呢個fans聚會係去年4月20日舉行。(網上圖片)

呢個fans聚會係去年4月20日舉行。(網上圖片)
Michelle喺聚會上同黃子恆有好多互動。(網上圖片)

Michelle喺聚會上同黃子恆有好多互動。(網上圖片)
 前年黃子恆爆出同已婚裕美有婚外情後,即同傳媒解話。

前年黃子恆爆出同已婚裕美有婚外情後,即同傳媒解話。
裕美前年同結婚兩年幾老公林恩浩離婚。 (網上圖片)

裕美前年同結婚兩年幾老公林恩浩離婚。 (網上圖片)

鍾意就快D Share啦!